Komratta yardımnamak konţerti geçti, toplu paralar yollanılaceklar küçük uşacıın aylesinä, yardım gibi, paalı ilaçlanmaya. Konţert avşamında sţena Gagauziyanın artistlerini birleştirdi. Oluşta S.Dimitroglo bulundu.

yardımnamak konţertinä türlü yaş boylarında insan geldi. Onnar sayȇrlar, ani bir küçük tutturmak ta var nicä yardım etsin uşaan yaşamasını kurtarmaa. Yaşayannar belli ederlär: aalemin kahırı olmaz, haliz paalı ilaçlanmak aşırıda için söz konusuysa.

«Biz geldik uşacıı tutturmaa. Saalıklı olsun».

«İsteeriz onnarı tutturmaa, kimin saalıkta zoru büün var. Az insan toplandı, ama bütün kasaba lääzım gelsin».

«Bän da anayım. Uşacık saalıklı yaşamakta olsun deyni bän da isteerim, ondan da katılȇrım. Ko hepsi uşaklar dünnedä saalıklı olsunnar».

«Er başkasına yardım edärsän zorunda, sıra geldiynän sana da yardım edeceklär, bölä insan söleer. Belli, ki lääzım insannarı tutturmaa». 

«Er birlik olmarsa  bölä zorluklarda, ozaman biz saalıklı cümnä diiliz».

«Hayır yapmak – o can durumu. İilik dünneyi kurtarabilir, dill sade insanı».

Kultura evin başı Marina Manjul söleer, ani Gagauziyanın artistleri butakım olaylarda birleşerlär, bunnan umut hem kuvet vereräk.

 «Kultura evin kapularını butakım durumnarda herzaman açȇrız. Sevindirer, ani artistlerimiz diil sade Kultura evindän, ama bütün dä Gagauziyadan katılȇrlar. İsteerim inanmaa, ani bu küçük yardım nicä sä yardımcı olacek»,- Маrina Manjul Komradın Kultura evin öndercisi nışannadı. 

Gagauziyanın artistleri sţenaya çıktılar, uşaan anasına-bobasına bir yardımını vermää. Onnar söleerlär, ani butakım konţertlerdä pay almak – diil sade profesionalizm – bu insan borcu hem yaradıcılık aşırı yardım. 

«Hayır – o açan cuvapsız iilik yapȇrsın. Sevinerim, ani teklifä yardımcı konţerti geçirmää, kayıllıını hepsicii verdilär».

«Bir iilik o küçük uşacaa. Alaa versin da ayaa kalksın».

Konţerttä toplu yardım parası uşaan ilaçlanmasına doorudulaceklar.