Komratın uşak başçalarında geçerlär düzmäk işleri . Onnar hazırlanȇrlar açmaa kendi kapularını uşaklara. Büünkü gündä kasabada işleer iki uşak başçaları.
Komrat kasabasında geçerlär düzmäk işleri, da onun için 7 uşak başçalarından işleer iki. Açık büünkü günä dördüncü hem birinci uşak başçaları. Avgustun altısında açıldı taa bir uşak başçası.
«Bizdä uşak başçaları kapanȇrlar hem açılȇrlar, nicä yazılı grafik içindä, da analar-bobalarlan bunun için sölenildi. Büünkü gündä Komrat kasabasında açık 4-cü uşak başçası, 8-ci uşak başçası açılacek avgustun 6-sında, da açıldı 1-ci uşak başçası. 5-ci uşak başçasına girer büük sport komleksinin düzmesi .Kapalı 9 uşak başçası, 7-ci hem 6-cı.Onnar açılaceklar kısa vakıtta»,- dedi Zelenskaya.
Açan bir uşak başçası kapanȇr, uşakları yaz vakıdına açık uşak başçası kableder.Bu pek lääzım analara- bobalara, angıları işleerlär.
«4-cü uşak başçası yaz vakıtta alȇr uşakları , angıları kapalı uşak başçalarına gezärdilär. Uşak başçası başı Otilia Albertän söledi , ani primȇria yardım eder başçaya , da her yıl yapȇrlar eni uşak meydannarı. 5-ci uşak başçasında gider büük sport komleksinin düzmesi . Uşak başçasının başı Elena Patraman söledi , ani sentäbrinin 1-dä uşak başçası açacek kapularını hem onda olacek çok eni koşullar»,- söledi uzman.
3 ayın süresindä başçada gider büük sport komleksinin düzmesi uşaklar için. İşlär giderlär hızlı . Sentäbrinin 1-dä uşak başçası açacek kapularını , da uşaklar geleceklär kendi grupalarına.
Sentäbrinin 1-dän hepsi uşak başçaları Komrat kasabasında işleyeceklär, haberledi İrina Zelenskaya.