Üülen Koreyada thȇkvondo genç trenerlerinä Halklararası seminarı geçti. Sport oluşunda Moldovayı seftä dört trener temsil etti. Onnarın arasında-trener Gagauziyadan Aleksandr Minioglo. Seminarın pay alannarı kendi profesional becermeklerini enilettilär, thȇkvondo vatanın istoriyasınnan hem tradiţiyalarınnan tanıştılar.
Üülen Koreyä – thȇkvondo vatanı hem er, neredä bu sport çeşidi milletin kultura payı. Burada iyülün birindän dokuzunadan halklararası seminarı türlü devletlerdän genç trenerleri birleştirdi. Bu yıl onda seftä Moldovanın temsilcileri pay aldılar. Delegaţiyanın içinä dört trener girdi. Onnarın sırasında trener Gagauziyadan Aleksandr Mitioglo.
ALEKSANDR MİTİOGLO thȇkvondo treneri
«Praktika sınışlarını bizä deyni Koreyanın dünnä çempionu geçirdi».
«Таеkvondovon» seminarı üçüncü kerä geçiriler. Programa praktika zanaatlarından kaarä, Koreya sportun istoriyasınnan devletin tradiţiyalarınnan hem üüsek uurlu sportsmennerin hazırlıklarınnan tanıştılar. Büük dikkatlık thȇkvondo sportun temel tehnikalarına verildi.
«Temel temalar dooruduluydular urmaklara, tehnikalara».
Moldovanın trenerlarına deyni bu seminar oldu kolaylık profesional çalışmalardan profesional bilgileri edinmää. Eni bilgileri Aleksandr Mitioglo neetli yakında kararlı yarışlarda kullanmaa.
«Plannarda-hazırlanmaa halklararası toplamnarına, respublika çempionatına thȇkvondo sport soyuinda».
Halklararası seminarına katılmak Moldovanın trenerlerinä deyni şans kvalifikaţiyalarını kaldırmaa, thȇkvondo ilerlemesini eni uura çıkarmaa.