Haydar küüyün yaşayannarı dekabri ayında susuz kaldılar. Üç nasos birdän durdu, ne suyun durgudulmasına getirdi. Problemayı en pek küüyün yukarda yaşayannarı duydular.
Haydar küüyündä büvet içmäk suyunnan işleer. Burayı her gün yaşayannar içmäk suyunu almaa gelerlär.
«Su burada islää. Onu içmektä kullanȇrız. Şindiya kadarsu kendi pınarlarımızda vardı, ama buna da sınaştık. Açansu yok pek zor geler».
Büvettan su için Haydarın yaşayannarı bölä söleerlär. Büün o temel su sızıntısı küüdä. Ama dekabri ayında küüdä halizdän içmäk suyunnan büük problema olduydu – üç nasos birdän iştän çıktılar. Problemayı en pek ozaman küüyün yukarkı payında yaşayannar duydular.
İlya Kiosä Haydar küüyün primarı: «Küülülerin o payı, angısı yukardakı payında yaşȇȇrlar, birkaç afta – susuz durdularç, çünkü su yoktu. Таa yılın bitkisiydi dä, annaşmaları kurmaa yok nicä, finans problemaları vardı.şindi problemayı yok ettik: büünkü günä hepsi üç skvajına işleer, pınarlar işleerlär, insan pınarları suylan doldurȇr. Problema suylan yok».
Primarın laflarına görä, 2015-ci yılda küü Ȇkologiya fondunda proekti taradı, neyä görä, 22 km su setileri enilendi. Skvajınalar eski kaldılar, ama yıllarca onnarı da enilettilär. Küüdä 8 skvajına su verer, 4 onnardan hepbir işleer. Gelän su tehnik suyuydur, kokuylan hem bulanık. Bunun için erindeki kuvetlär çalıştırdılar proekti, neredä büvet düzdülär hem suyu temizlemäk sistemasını koydular.
İlya Kiosä Haydar küüyün primarı: «Beş kub su sutkada problemasız verer. İnsan gelip, su alȇr. SARD programanın yardımınnan biz yolcaazları büvetä düzdük, klisedän, okuldan, bolniţadan, insan gelip su alsın. Su büvetä temizlenmiş skvajınadan geler. Geeri yola su pek paalı çıkȇr, çünkü 40, bekim dä şansora 50, kanalizaţiyaya sıbıdılȇr».
Yaşayannarın çoyu büvettän temiz suyu beenerlä. Söleerlär, ani dadına görä, pınar suyundan ayırılȇr.
«Biz bu suyu beeneriz, herzaman buradan alȇrız. Şindiya kadar pınardan alardık. Bu su temizlenmiş artık».
Suyu büvettän hızlı alȇrız hem parasız. Tehnik suyuna paayısıra gelec kaldırsınnar. Şindi suyun paayı 15 ley bir kubometra için tutȇr. Primarın laflarına görä, bu ylı suya paa büüyecek su vermäk sistemasını kullanması için.