Avgustun 26-da UNU TV Moldova telekanalın «Знак вопроса» programasında götürücüylän Darya Gvindjieylän. devlet kanţeläriya ofisin Gagauziyada başı Sergey Çernev konuşmanın süresindä GRT cümnä kompaniyası için söledi lafları, angılar cuvap etmeerlär haliz işlerä.
DARYA GVİNDJİYA UNU TV Moldova kanalı uzmanı
«Siz GRT için sölediniz. Hadi durgunalım bu kanalda. Reformayi merkez kuvetlär GRT için çekettirdilär. Biz annȇȇrız kim durȇr GRT arkasında . Şor. Eer Şor sölärsäydik ozaman fikirdä kreml kuratorlar peydalanȇr. Olacek mı ölä, ani GRT lääzımnı uuru getirmää hem nezaman siz bitki keret orayı gittiniz?»
SERGEY ÇERNEV Devlet kanţeläriya ofisin Gagauziyada başı
«Bän lafettim kolektivlän. Kolektiv kayıl diil politikaylan, angısını onların öndercileri götürerlär. Büün insan korkȇr işsiz kalmaa. Büün GRT propaganda kanalı olȇr. Eer hererdä kapadılar bölä kanalları bizdä Gagauziyada o kaldı. Bän ölä annȇȇrım, ani GRT redakţiya politikası diişmedi. Neçin ki GRT korespondentleri baskı altında işleerlär. Da büün yapȇrlar hepsini ne onnara söleerlär.»
GRT cümnä kompaniyasının öndercilii dooruttu UNU TV Moldova telekanalın adına bildirimi tiparlasınnar diil kayıllıını ona ne sölendi programada neçinki bu diil haliz. Sentäbrinin 16-da UNU TV kanalın efirindä «Знак вопроса» programasında te ne sölenildi
«UNU TV Moldova redakţiyasının adına geldi danışmak Teleradio Gagauziya kompaniyasından, angısında onnar göstererlär diil kayıllıını laflarlan, angıları Znak voprosa programasında sölendilär avgustun 26-da. Bu programada sölendi, ani GRT arkasında durȇr İlan Şor hem onunnan baalı kuratorlar, ani GRT propaganda kanalı hem onun redakţiya politikası diişilmedi hem GRT korespondentları işleerlär baskı altında yaparak hepsini ne onnara söleerlär dışaandan. GRT kompaniyası haberleer, ani bu laflar cuvap etmeerlär haliz olaylara. GRT regional cümnä operatoru. Onun kurulmak kaaviletmäk kullanmak organlarda hem finanslamasında kurallar belli edilerlär normativ aktlarınnan hem da publik olȇrlar. Ne kişi, angısı için programada sölendi, ne da onunnan baalı strukturalar katılmȇȇr kurulmak finanslamak yada kullanmak proţeslerinä hem da belli etmeerlär redakţiya politikasını. Moldova devletin televizion hem radio soveti GRT kanalına baalı kabletmedi kararları bitki on ayın süresindä, ani bölä baalantı belli olȇr. Sölemäk onun için, ani jurnalistlär baskı altında işleerlär hem yapȇrlar hepsi dışandan gelän izinneri belli edilmeerlär bir da faktlan hem da kolverimdä yoktu bir da ssılka sızıntıya. Kolverim çıkıncasına GRT redakţiyanın poziţiyası istenmedi.»
Bundan kaarä sentäbrinin 7-dä S.Çernev pay aldı GRT kanalında “Диалог в студии” programmasında, angısında açıkladı fikirini cümnä kanalın işi için. Götürücün teklifinä görä kendi poziţiyasını,angısını o söledi UNU TV kanalın efirindä, S.Çernev nışannadı:
SERGEY ÇERNEV Gagauziyada milli kanţeläriyanın territorial bürosunun başı
“Bän söleerim, pek islää organizaţiya sizdä, ii kollektiv, sayȇrım,ani en ii kollektivlerin biri. Bitki vakıtta bän sölerim helal olsun. Candan sölerim,ani siz maşalla bitki vakıtlarda, ii çalışȇrsınız, herbir taraftan açıklȇȇrsınız. Neçin? Zerä bän diil bir sıra sölediydim, nesoy bizim televizionun politikası lääzım olsun,ani hepsi bakışlar lääzım olsun, ama diil kiminsä bakışını. Geldim bän,geldi başkası sa, Burguji. Geldilär, açıkladılar fikirlerini, ama diil lääzım onu balaamaa kimäsä. GRT lääzım tutsun neytralitet poziţiyasını. Var bu insan, o açıkladı fikirini, söledi öbürü.Ama halk lääzım kararlasın ne yapmaa bununnan”.
Alarak hesaba Moldova Respublikasının Audiovizual media izmetlerin kodeksini, birinci payı, 13-ncü statyayı, vatandaşlarda var hak kabletmää obiektiv haberleri media izmetlerindän, da bu uurda lääzım tutulsunnar te bu kurallar: faktların hem fikirlerin ayırılması; lääzım dooru belli etmää o faktın konstataţiyası yada kimisä fikiri bakışı; informaţiyanın kontrol etmesi hem dooruluu; informaţiya olay yada fakt için dooru lääzım olsun, dikat kontrol edili, ama onun temsil etmesi da –açık hem dooru.