Komrat devlet Universitetindä Tekwill merkezindä geçtilär regionun olimpiadaları bir sıra bölümnerdä. Toplantıların pay alannarı oldular studentlar, angıları belliettillär kendi proektlerini, ideyalarını herm kreativ kararlarını. Toplantıyı kurdu hem geçirdi Gagauziya Baş üüretmäk bakannı.
Komrat Devlet Universitetin studentleri pay oldular, ani herbir iştä durȇr pek büük hazırlanmak hem da dalgalanmak. Genç olannar annattılar,ani işledilär kendi proektlerindä diil bir afta, karşı gelip zorluklarlan, ama bitki — bitkiya onnara uydu açıklama kendi fikirlerini, da kabletmää paasız opıtı.
«Bän geldim büün göstermää kendi proektimi storitellingta
«Nicä soţial balantıları belliederlär bizim yaşamamıza»temaya görä. Bizä verdilär yarım yıl, en çok vakıt gitti sţenariyaya kendisinä. Çıkardık iki aftanın süresindä dinnenmedik, oldu ölä da, ani dönärdik geeri evä geçä yarısı, etiştirmää deyni hepsini yapmaa».
«Hazırlandım bän pek çok vakıt, neçinki bän büün pay alȇrım iki bölümdä. Pek çok kuvet harcandı. Bän yaptım proektimi kendi kıskardaşımnan, ama büün o yok benimnän. Taa sık hepsini yaptık ikişär kişi yada gruppalarlan iki kişidän çekedip».
«Bän ayırdım storitelling, neçinki sıkça çıkarȇrım videoları, zanaatlanȇrım bununnan. Hazırlandım, da hepsini yaptı üç aftanın süresindä, üüredicimnän, bän sayerım, ani biz yaptık pek islä video, da hepsi onu seveceklär».
Nicä nışannadılar kurucular, bölä iniţiativalar oyunȇrlar önemni rolü, hazırlamak için genç uzmannarı. Gagauziya Baş üüretim bakanı Baş uzmanı Tatyana Koleva çizgiledi, ani bölä uurda toplantılar yardımcı olȇrlar gençlerä, açsınnar deyni potenţiallarını, hem ayırsınnar kendi yaşamak yollarını.
«Bizdä büün burada 30 zeedä katılan, yarın geçecek ikinci ȇtap, da olacek yakın 37 pay alan. Her yıl katılȇrlar yakın 100 kişi. Var final, supefinal, millet konkursu, angısı geçer Kişinöv kasabasında, iyünün 6 — da, da şindän sora taa islä komandalar belliederlär Gaghauziyayı orada, da isterim çizgilemää, ani her yıl bizdä var priz erleri»,- Tatyana Koleva çizgiledi.
Olimpiadanın içindä haberli beş bölüm: storitelling, alış — veriş, grafik dizayinı, veb — dizayını hem saytların işlettirilmeleri, hep ölä neyro akıl. Olimpiadalar geçerlär iki günün süresindä regionun uurunda. Onnarın çıkışlarına görä belli olaceklar enseycilär, angıları tanıtıraceklar avtonomiyayı superfinalda Kişinöv kasabasında. Nicä nışannadılar Gagauziya Baş üüretim bakannıın uzmannarı, bölä uurda toplantılar geçirilerlär şindän sora 4 yıl sıradan, angıları çekerlär yıl — yıldan taa zeedä genç pay alan.