Gagauz aylelerindä Prost olmak aftası – halk yortu sade diil, o önemli zaman tradiţiyaları korumaa, aylä baalantılarını kaaviletmää hem Büük oruca hazırlanmaa. Bakmadaan ona, ani gagauzlar pravoslav insannarı, onnarın kendi kultura özellikleri var. Prost olmak yortunun nışannaması erindeki koloritlan zengineştirildi. Bizim seçim grupamız Prost olmak aftasında imeklerin hazırlanmasında pay aldı. Musaafircilik etti İvan hem Pelageya Dülger aylesi Kazayak küüyündän.
Prost olmak yortunun aftasında gagauz aylelerindä insan adetçä senseleyi büükleri teklif ederlär dolaşmaa hem prost olmaa. Özel dikkatlık pazara – Prost olmak gününä veriler. Bu gündä açıkçasına insan biri-birini prost eder da temiz can erinnän oruca girer.
Pelageya Dülger, Kazayak küüyü yaşayanı: «Prost olmak aftasında, yortusunda büüklär yımırta yanar mumnan vererlär».
Yortulu masanın paalı imesi – iişimikli hem kaymaklı kıırma. Onu Pena bulü kendi ellerinnän yapȇr. Gagauz aylelerindä Prost olmak günnerindä musaafircilää özel dikkatlık veriler. Çorbacıyka bereketli masaları hazırlȇȇr. Taa bir sevgili hem simvollu pişirmäk – o akıtma, türlü içendiliklärlän.
Pelageya Dülger, Kazayak küüyü yaşayanı: «Bu afta süt masullarından hem yımırtadan imekleri yapȇrız, ooruç imekleri, yaanısız».
Pelageya Dülger urgulȇȇr, ani adetlerin sayılması aylä paalılıklarını koruyȇr hem evlad boylarınnan yortuların devamını tutturȇr. Onun aylesindä Prost olmak yortusu – kışı geçirmäk sırası sade diil, ama taa kolaylık taa bir kerä akıla getirtmää ruh zenginniini.