Halklararası panayırlarında petrol mallarına paaların büümesini hem devlettä transport yakacaana paaları ȇkspertlär açıklȇȇrlar.
Moldova devletin Ȇnergetika ministrusu Dorin Jungietu halklararası panayırında petrol mallarınnan dalgalı durumu bildirer, defiţit için devlettä sölenmeer.
Dorin Jungietu, MD ȇnergetika ministrusu: «Petrol mallarına defiţittä diil. Transport harçları, sigorta paaları büüdülär – bu da belli ediler petrol malların paalarında, açan avtozapravkala gelerlär».
Ȇnergetikayı devlettä kontrol edän Millet agenstvonun başı Andrey Taran açıklȇȇr: petrol mallarını satan panayırında paaların kontrol etmäk mehanizması çalıştırılȇr. O da Halklararası panayırında neft malların orta paayına bitri iki afta baalı, birjalarda petrol mallarına paaların diişilmesi durgudulȇr.
«MD neft malların satılması iki uurda belli ediler: ayırı satmak- o avtozapravkalarda satmak hem toplam satması. Ayırı satılaa maasuz paaları kontrol etmäk mehanizması çalışȇr. O da bitki 14 gün belli edili paalara baalı. Paaları dalgalandıran türlü durumnar, büümäk, yada da küçültmäk tarafına baalı-orta arifmetika ya baalı»,- Andrey Taran açıklȇȇr.
Ȇnergetika bölümün uzmanı sayȇr, ani şindiki durum, petrol mallarını kullanan yaşayannarlan baalı, nekadar petrol malların etişmemezliinnän.
Viktor Parlikov, ekspert: «Petrol mallarına defiţit bekim da olacek, ama büünkü günä yok. Neft mallarına sorum birkaç günä paylaşȇr. Paaları kontrol etmäk mehanizması çalışȇr hem insannar anȇȇrlar, ani birjalarda iki aftanın içindä paalar büüyeceklär. Bunun için insan şindi düşüner transporduna nekadar çok benzin, solärka, gaz alsınnar, zerä birkaç gündän sora taa üüsek paalar olaceklar».
Kuvetlerin haberlerinä görä, benzindevlettä 20 günä var, dizel malları – iki aftaya. Bitki zaman Moldovada dizel 23 proţendä, benzin da – 9 proţendä büüdü.