MD Prezidenturası açıklamaklan çıktı. Onda sölener, ani prezident Maya Sandu ileri dooru da gerçekleyecek yaşayannarlan ona verilän görev hakını. Bu açıklamalar yapıldılar ondan sora, nıcä opoziţiyada bulunan partiyaları açıkladılar, ani prezidenti görevdän çıkarması proţedurasını başladȇrlar.
MD opoziţiyada bulunan partiyalar temsilcileri Prezidenti devletin Konstituţiyasını bakmamasında kabaatlı bulȇrlar. Parlament opoziţiyazı haberlerinä görä , prezidentin görev durgudulması teklifini tutturdular “Alternativa” blokun temsilcileri, MD Komunistlär partiyası, MD Soţialistlär hem “Demokratiya evdä” partiyaları. Dokumenti 46 deputat imzaladılar. 5 opoziţiya partiyanın temsilcileri geçirdilär presa konferenţiyasını, angısının süresindä 50 sayfalık kabaatlı bulmak dokumentin registraţiyası için açıkladılar. Bunun için ofiţial uurda İon Kiku açıkladı, çizgileyip, ani bu dokument yollandırılacek MD akreditaţiyalı büük elçiliklerä hem başka önemni kurumnara.
İON KİKU MD “Alternativa” blokundan deputat
“Biz büünkü kuvetlärlän devlet önderciliini dooru saymȇȇrız. O karşı koyȇr kuvet payetmesi prinţiplerinä hem MD prezidentinnän devlet strukturalarının uurlarını göz altında tutmasına”.
MD Konstituţiyasının 89-cu statyasına görä, prezidentin görev durgudulması için iniţiativa en az deputatların 3-cü payınnan lääzım teklif edilsin. Prezident onu kaabaatlı bulunan işlär için parlamenttä açıklamakları yapsın yakışȇr. Görevi durgutmak için deputatların 3-tä iki payın sesleri lääzım. Eer teklif geçärseydi 30 günün süresindä prezidenti görevdän çıkarılması referendumu geçirilsin lääzım.
“Korumaa deyni devletimizdä usluluu hem korkunçsuzluu hem Evropaya dooru ilerlemesini MD Prezidenti için kendi seslerini vatandaşların 930 139 verdilär. Maya Sandu devletin Konstituţiyasını hem demokratiyayı koruması için hem ileri dooru da Vatandaşlarlan ona verilmiş görevi gerçekleyecek ”— açıklanȇr Prezidenturanın danışmasında.
Bitki prezidentlik seçimnerindä, angıları 2024-cü yılın kasım ayın 3-dä geçirildilär 930 139 vatandaş kendi seslerini Maya Sandu için verdilär.
A.Terzi, O.Lotka,