Moldovada kış zamanı poliţiyanın haberlerinä görä zeedelener yol razgelmelerin sayısı. Sadece bitki aftaların içindä poliţiya her gün sayıya yol razelmelerini koyȇr. Onnarın baş sebepleri -arabanın hızlı kullanması, tehnik bozulmakları. Gücük ayın 17-19 -dan bütün devlettä geçiriler «Senin araban- senin korunman» operaţiyası. Onun neeti — aazaltmaa yol razgelmelerin sayısını hem belli etmää arabacıları, angıları çıkȇrlar yola arabada, angısı prost çalışȇr.
Operaţıyanın «Senin araban- senin korunman» süresindä inspektorlar esaba alȇrlar ki olsun dokument, ani maşına vakıdında geçti tehnik kontrolünü. «Üg» bakannıın baş ofiţerın Andrey Dimitroglonun laflarına görä , çoyu insannar kullanȇrlar arabaları , angıları prost işleerlär, ne buzlukta hem dumanda var nasıl getirsin kötü çıkışlara.
«Bu maşınanın kullanması agresiv halda, hem hep ölä sarfoş halda. Hep olä çoyu araba kullanıcıları kolvermeerlär insannarı, angıları geçerlär yolu maasuz erlerdä. Hep ölä yol razgelmeleri baalı hava koşullarınnan da, neçinki kışın sabaalen kaygın, duman, olȇr yol razgelmeleri. Arabacılar yakmȇȇrlar yakın şafkı gündüz, açan dumandan bişey görünmeer yada yaayȇr kaar, yaamur. Hep ölä şoförlar kendi maşınalarına kış şınaları koymadılar. Bu da getirer yol razgelmelerinä»,- Andrey Dimitroglonun laflarına görä.
Geçän dinnenmäk günnerindä yol razgelmesi oldu M-3 yolunda, neredä araba kullancısı çıktı karşı gelän maşınanın önünä — da onnar uruldular biri-birinnän. İki arabada da bulundular kişılär, angıları yaralandılar da bolniţaya götürüldülär. Polis uzmannarı urgulȇȇrlar, ani çoyu yol razgelmeleri vardı nicä olmasınnar erlem onnar temel kurallarını bakaydılar.
«Bu operaţıyanın içindä taa çok belli ederlär kanona karşı gitmekleri. Ne baalı tehnika uurunda arabanın çalışmasınnan, hepsi kullanıcılar, angıları giderlär maşınalarda da var kırıkları, yada nesä çalışmȇȇr , cezalanaceklar. Nekadar ceza kurȇr? Minimal hem maksimal arabanın kırıklıı için, kullanıcı lääzım ödesin cezayı 228 -ci statyanın birinci punktuna görä sayıda 450 leydän 600 leyädan, yada ikinci punktunda 150 leydän- 300 leyadan»,- o nışannadı.
Kendi bakışını durum için yollarda açıkladılar arabacılarda.
«Yolda lääzım bakmaa distanţıyayı, da hepsi olacek ii».
«Biz kışa hazırız, kış rezinamız var, arabacılar lääzım atent olsunnar yolda, insannara lääzım diil sade nışannarı bakmaa, ama iki tarafa da».
«Yola çıkarkana kürek olsun, termos».
Araba kullanıcılarını teklif ederlär yokkana lääzımnık arabaylan yola çıkmamaa, erlem lääzımsa, ozaman maasuz kuralları lääzım esaba almaa hem hazırlamaa kendi maşınanızı.
«Hava koşulların diişilmesinnän, biz teklif ederiz arabacıları çıkmasınnar evdän yoksa bunda pek lääzımnık, hazırlamaa maşınayı zor hava koşullarına, olsun kış rezinası, kürek, tros hem termos sıcak çaylan yada suylan. Ki insan yısınsın. Hem hep ölä versin yardımı başka arabacılara, angıları zor durumda bulunȇrlar. İnikunu gitsinnär bakarak havaya. İnsannarı teklif ederlär yolu geçmää sade maasuz erlerdä».
Operaţiya «Senin araban- senin korunman» başarılȇr fevralin 19- da. Poliţiya uzmannarı umutlanȇrlar, ani profilaktik ölçüleri vereceklär kolaylıı azaltmaa yol razgelmelerin sayısını yolda hem getireceklär arabacıların aklılarına, ani alatlarkana hem atent olmarkana arabada var nicä yaralanmaa.