Moldovada pensionerlerin bir payı işleerlär pensiyada bulunarak. Kimileri söleerlär, ani yaşayamȇȇrlar işsiz, başkaları annadȇrlar, ani büün yok nicä yaşamaa parasız. Bakmayarak, ani onnar pensiyada,binnärlän pensioner her gün çıkȇrlar işä. İlerlederäk çalışmaa,onnar diil sade kablederlär para,ama plannȇȇrlar pensiyanın enidän saymasını. Temayı ilerleder Natalya Andrieş.
Statistika milli büronun haberlerinä görä Moldova devletindä 672 bin pensionerdan taa çok. Bununnan barabar pensiya kabledennerin dördüncü payı onnardan taa çalışȇrlar. Taa sık pensionerlar kalȇrlar işlemää üüretim, saalık,çiftçilik, alış — veriş hem komunal izmetlär sferalarında. Ekspertlär sayȇrlar, ani çalışan pensionerlär kalȇrlar iş panayırının önemnii bir payınnan.Onnarın becermekleri hem bilgileri lääzımnı sferaların çoyunda, haliz kadro etişmemezliin üzerinä. İş vericilär için — bu kvalifikaţiya uzmannarını korumaa, pensionerlar için da — kalmaa faydalı.