Moldova parlamentindä belli ettilär işçi grupanın azalarını, angısı açıklayacek Avtonomiyanın kanonnarını.
Parlamentin grupanın için başlaması için kararı devlet kanon organın başı – İgor Grosu imzaladı. İş grupası kuruldu hepsi parlament frakţiyaların tekliflerinä görä. Ona girdi 11 deputat. Altısı onnardan «Deystvie i solidarnosti »partiyanın temsilcileri, karşı olannar frakţiyalar çıkardılar taa birär kişi. Komissiyanın ikinci başı işçi grupada koyuldu Moldova Parlamentin deputadı – Larisa Voloh. Kendi deputat açıkladı, ki çekettiynän grupanın işini yakışacek ilerletmää incelemekleri çözülmedik soruşları Kişinövun hem Komradın aaralarında.
«Elbetki, biz isteeriz çekettirmää işi bu bölümdä. Çeker dönmää te o belalara hem çözülmedik soruşlara, angıları kaldı geçti yıldan. Biz açıkız dialoga deyni, taman açan hem Gagagauziyada hem Moldova Respublikasında geçer önemli reforma proţessları. Onuştan bizä lääzım taa çok lafetmää, ki olmaa taa açık te o sorumnara , angılarınnan karşı geler diil sadece Avtonomiyanın yaşayannarı, ama bütün Respublikanın da. Seçimnär – en önemli tema büünkü gündä. Nicä hem nezaman onnar geçecek Gagauziyada büün çok aktiv incelerlär. Biz dä hep bekleeriz eni işçi grupanın düzülmesini avtonomiya tarafından»,- Larisa Voloh söledi.
Voloh açıkladı, ki olacek kolaylık birliktä çalışmak şindiki Avtonomiya temsicilerinän da göz gözä. İşçi grupa olur dialog gibi Moldova hem GHT arasında. Baalantılar 2015 yılda kuruldular. Parlament grupasında 11 deputat.