«Gagauz Yeri», «Moldova» adlanan suvenir magnitleri hem dekorativ panolar avtonomiyanın, devletin kasabaların adlarınnan küçük simvollar büük duygudan – hodulluk kendi Vatanı için oldular, söleer Tomay küüyün yaşayanı Yuriy Stamat. İki yıldan zeedä o millet suvenirlerini yapȇr.
Yuriy Stamat için zanaatı iş sade diil – o sevgili işi, angısı haliz incäzanaata döndü. Kendi kurumunda Yuriy suvenirleri yapȇr, angıları avtonomiyanın, memleketin kulturasını, tradiţiyalarını gösterer. Magnitlär hem millet suvenir panoları QR-коdlan, onun laflarına görä, taa çok kasabalar hem anmak erleri için üürenmää.
«Herbir suvenirin kendi QR-коdu var. Ona telefonu yaklaştırdıynan, göreriz, nicä suvenir diriler»,- Yuriy Stamat söledi.
Foto hem video materialları «cannandırmak için» Yuriy Stamat bütün devlettän toplȇȇr. Görüntüleri natura köşelerindän, kultura erlerindän, oluşlardan o çekip-toplȇȇr, ki QR-коd aşırı insan herbir kasaba için taa çok üürenäbilsin.
«Bän may her erdä bulundum, çekettiynän Çişmikioy, Ȇtuliya küülerindän da taa Soroki kasabasınadan etiştiynän. Her erdä meraklı hem paalı erleri savaşȇrız çıkarmaa. Sora bizim resimcimiz onnarı ȇskizdä belli eder, biz dä videorolikleri yapȇrız, angıları tehnologiyaların yardımınnan suvenirlerä eklenerlär»,- Yuriy annattı.
Suvenirleri yapmaa yardım eder resimci – dizayner Aleksandra Popova. Kendi işindä o halkların millet koloritini, tradiţiya gergeflerini, simvolları belli eder.
«Renkleri naturada bulunan kullanȇrım resimnerdä, ki halizä benzesinnär. Anmak erlerin, taşların renklerini var olan durumdan geçirerim. Hep ölä bayrakları, simvolları, gerbları, dolayımızın gergeflerini»,- Aleksandra Popova açıkladı.
Millet suvenirlerin yapmak tehnologiyası birkaç ȇtapı geçer. İlktän dizayn hem programirovanie yapılȇr, sora formalara material döküler. Bundan sora resim çiziler.
«Bän hepsi faylları hazırlȇȇrım, çünkü hazırlık çok vakıt alȇr. Sade bundan sora suvenirlär tiparlanȇrlar»,- Yuriy Stamat annattı.
İş kurumda erindä durmȇȇr. Eni suvenirleri Yuriy Stamat şansora çıkarȇr, angıları millet kolekţiyasını tamannayaceklar. Onnar da devletimizin kulturasını hemtradiţiyalarını açıklȇȇr.