Moldova Respublikada çekeder askercilää ilkyaz çaфrılması. Kompaniya geçer küçük ayın 2-sindän taa orak ayın birinädän, açıkladı Gagauziya Asker merkezi başı – polkovnik Lilian Pınzaru. Bu vakıdadan millet askercilää girecek 1200 genç çocuk bütün Moldovadan. Askercilää yollanalaceklar gençlär Gagauziyadan da.
Hazırlanmak askercilää geçer birkaç etapta. Çocukların saalıını bakȇrlar bolniţada hem millet komisiyası, neredä bitki kararlar kabledilerlar onnarın yollanması için.
«Respublika Moldovada var kanon 2002 yıldan. Bu kanon daalȇr hepsi gençlerä , angıları 18 yaşını tamannadılar, kim asker izmetindä sayıya koyuldu. Bu vatandaş borcu gündä konstituţiya hakı herbir yaşayanın önündä bulunȇr»,- Lilian Pınzaru açıkladı.
Nışannanȇr, ani birazı var nasıl yollanmasın da askercilää. Laf gider te o gençlär için, angıları büünkü gündä taa üürenerlär. Ama onnar da lääzım olacek üürenmäk erlerdän mediţina uurundan dokumenti getirsinnär.
«Gençlär, angıları üürenerlar hem angılarına var 18 yaş, lääzım getirsinnär millet merkezinä dokumenti, ani onnar üürenerlar.Makarki yılda 1 kerä. Neçinki üürenmäk erlerdä var yazı-kışı ekzamennär. Her yarım yıl savaşsınnar getirmää o dokumenti, angısında yazȇr , ki siz üüreniciysiniz. Ozaman siz var nasıl ilerledäsiniz üürenmeyi , brakıp askercilii bir parça vakıda», o annattı.
Millet exspertleri nışannanȇȇrlar, ki askercilik gençlerä verer büük kolaylık kabletmää millet hazırlanmayı, dusţiplinayı hem başka eni becermekleri da. Çoyu çocuklara deyni askercilik kolaylık verer kendibaşına kararları kabletmää hem ilerletmää disţiplinayı. Moldovada askercilik geçer 1 yıl. Bu vakıdın içindä vererlär vakıt dinnenmek için dä.
«Gençlär askercilik ederlär 12 ay. Bu vakıdın içindä herbir çocaa veriler dinnenmäk vakıdı. Halkına emin etmektän sora, gençlär dönerlar evä. Bundan sora ,yılın içindä kolverelär onnarı evä taa 2 sıra , 10 günäda»,- Pınzaru ekledi.
Çoculkrar, angıları slujbayı başardılar var nasıl ilerlesinnär kendilerini askercikik uurunda kaavilederäk kendi bilgilerini Moldovanın en büük garnizonnarlarında.
«Askerciliktän sora, çocuklar var nasıl kalsınnar bu uurda işlemää kontrakta görä. Ona ii koşullar veriler, angılarına görä yaşamak eri, kazanç parası , rubalar hem başka ii koşular da»,- polkovnik nışannadı.
Millet askercilää ilkyaz çaarılması geçecek orak ayınadan. Bu vakıdadan genç çocuklar , angıları askercilää hazır olaceklar, lääzım olacek bir yılın süresundä geçsinnär askercilii Millet armatasında.