85 yaşını tamannadı Gagauziya Halk Topluşunun ȇks-başı, Gagauziya kurulmasında pay alannardan biri Mihail Kendigelän. Bu yortuda onun yanındaydılar dostları hem Gagauziya Bakannık komiteti azaları. Onnar onu kutlamaa geldilär hem şükür etmää uzun yıllar boyunca yaptıı iş için, aktif yaşamak poziţiyası için hem da cümnenin ilerlemesinä deyni koyması için.
Gagauziya Halk Topluşu ȇks-başı, Gagauziyakurulmasında pay alannardan biri Mihail Kendigelän yaşamının büük bir bölümünü cümnä çalışmasına adadı. Yıldönümündä onu uzun yıllar boyunca ortak işleri, fikirleri hem da anmaları için yanında çok yıllar bulunan insannar kutladılar. İlya Uzun söledi, bugün Mihail Kendigelänın nasaatlarına görä onnar savaşȇrlar yaşamaa, Gagauziyanın halkın gelişmesi için çalışȇrlar.
İLYA UZUN Bakannık komiteti başı ilk yardımcısı
“Onun yaşı için bu hiç da az olmayan bir zamandır. Allah ona taa çok, çok yıllar versin. Biz ona, onun dostlarına, arkadaşlarına, Gagauziya avtonomiyasını kuran bütün çalışma arkadaşlarına bildirmek isteeriz.”
Mihail Kendigelänın hem onun dostların için bu yıldönümü, bu kolaylık açıklamaa kendi duygularını, şükür etmää bu insanı onun yaptıkları için halkın önündä.
JORJ TERZİ cümnä aktivisti
“Siz ne işlär yaptınız insan annasın, bu yoldan gidärkänä kaybetmemää dilimizi hem dinimizi”.
Mihail Kendigelän canavar ayın 4-dä 1941-ci yılda Komratta duudu. Politik çalışmalara başlamadan önce rus dili üüredicisi olarak çalıştı, Komratta orta okullardan birinin başıydı. Mihail Kendigelän Gagauziyanın kurulmasında önemli rol oynayan liderlerdän biriydir. 1999-2002 yılları arasında Gagauziya Halk Topluşunun başın görevini yaptı.
LEONİD DOBROV cümnä aktivisti
“Mihail Vasilyeviç kutlȇȇrım seni 85 yılınnan, sanȇrım sizinnän taa üz il bererdä işleyecez”.
VASİLİY ROMANOV yaşta insannar nasaatı başı
“Sän bana Mihayıl Vasilyeviç 40 yıl geeri da nicä bir büük kardaş, biz seninnän çalıştık çok yıl birerdä”.
Yıldönümü — bu diil sade geçmiş zamannara geeri bakmak. Bu kolaylık buluşmaa dostlarlan, işitmää sıcak kutlamak laflarını hem duymaa ani koyulmuş halkına zaamet diildi boşuna, söledi Mihayıl Kendigelän.
MİHAİL KENDİGELÄN GHT eks- başı
“Benim arkamda 85 yaş kaldıını hiç duymȇȇrım. Kendimi çok taa genç duyȇrım. Biz Ada Vasilyevnaylan 62 yıldır bir arada yaşêêrız, çocukları büüttük. Gagauziyayı bunun için kurduk — kendi ruhumuzu korumak, gagauzları kendi topraklarında birleştirmää. Bunu herkez bilmeli, ki Budjak bizim topraamızdır.”
Duuma günündä Mihail Kendigeläna saalık, güç, iilik hem da taa çok yıllar aktiv bir yaşamak götürsün dilemelär sölenildi. Onun için en büük baaşış, buluşmaa o insannarlan, angılarınnan bu yılların içindä birerdä çalıştılar.