İnfrastrukturanın kötü koruması, millet sistemasının ilerlemesi, kullanmak için gübürleri hem da uşakların korumak sistemasının ilerlemesi, angıları bulunȇrlar risk durumunda — bu soruşları baktılar memleketin hükümetin oturuşunda.
İniţiativaylan ilerletmää deyni gübürlär sistemasını söz tuttu tabiat ministrusu George Hadjer. O belli etti proekti, angısına görä infrastrukturanın ilerlemäk işlerin saymasını — proekt gibi cümnä önemniindä hem da millet interesliindä. Ministrunun laflarına görä, bu lääzım olacek kolaylatsın administrativ hem izin verän proţeduraları, çıkarsın deyni bürokratik baryerlarını, hep ölä taa hızlı giriştirsin ȇkologiya proektini millet uuruna.
«Kanon proekti belli eder lääzımnı üüridik instrumentini, işlettirtmää deyni bir sıra proţesları hem da taa hızlı giriştirmää investiţiyaları cümnenin infrastrukturasını — millet uurunda kullanma gübürleri infrastrukturasına»,- George Hadjer açıkladı.
Moldova devletin iç işlerin ministrusu Daniela Misail — Nikitin belli etti proekti dişilmeklärlkän kurumnarın aralarında mehanizmasını hem da yardım uşaklara, angıları zorlandılar, ȇkspluataţia hem trafik. Nicä nışannadı ministru, nasaat edildi kurmaa taa açık funkţioanal mehanizmayı, angısı çeketmesindä beeli edecek hem hızlı karışacek, may alez o olaylarda, açan uşaklar bulunȇrlar risk durumunda devlet sınırında.
«Nasaat edilmiş mehanizma kurulu sert uşakların bakılmalarında hem doorudulu hızlı yardıma gelmää, yoketmää zorlatmanın türlü formalarını, ȇkspluataţiya yada satmak insannarı»,- Daniela Misail — Nikitin belli etti.
Moldova devletin iç işlerin ministrusu Daniela Misail — Nikitin söz tuttu hep ölä iniţiativaylan, giriştirmää deyni proekti, angısı belli edecek kurumnarı, sektorun hem da podsektorun cevapçıları milletin kritik infrastrukturasında.
«Proektin kabul edilmesi verecek kolaylık çeketmää identifikaţiya proţesini hem da belli etmää kritik infrastrukturasını, belli etmää kriteriyaları her bir sektor için. Hep bu vakıt biz işlettiräbilecez işin metodologiyası , giriştirmää kurumnarın aralarında açık mehanizmayı monitoring için hem kontrol etmäk için»,- ekledi o.
Moldova devletin Hükümetin oturuşun çıkışılarına görä, hepsi proektlär kabledildilär bir sestä.