Gagauziyanın göbeendä , çiçek açan meraların kenarlarında yaşȇȇr hem işleer Andrey Mihna, kuvancı, angısı birkaç yıl geeri kendi yaşamasını kuvannarlan baalamış. Onun hotulları büün daadılı Komrat meralarında hem daalıklarında. Andreya deyni bu iş zade zanaat dill, ama yaşamanın maanası da.

Nicä söleerlär  kuvancılar  «bal- saalın, kuvedin hem zenginniin  simbolu». Gagauziyada da sa  eski zanaat ta . Andrey Mihna  o insannarın  birisi , angısı  baaladı kendi  yaşamasını  kuvannarlan. Bu zanaatın saklılıı toplu kendi işinä sevgidä, naturaya saygıda hem kendi evladlarına onu brakmaa istemektä . Bu yıl kuvancılara deyni zordu- nışannadı kuvancı.

«Gücenikiz bu yıl, diil ii, çok sürpriz vardı , kıştan  büünkü günädan , erli geçän yıl ortaydı 50-50, bu yıl taa kötü. Bitki iki yıl paa küçüktü, büünkü günä biraz doruler, semiçka balına paa 40 ley sölerlär çocuklar,  kalan bala bizar taa üüsek olacek»,-söledi Andrey Mihna. 

Gagauziyada büün   az er var, nereyi  hotulları çıkarmaa var nasıl, onuştan  sıra geler   üzlän kilometra uzaklıkta er  aaramaa.  Komrattan  semişka çiçekleri  açarkana,  getireriz onnarı  tablaların meralarına, açıkldadı Andrey.  Büün o semiçka balını çıkarȇr. 

«Erlärlän taa çok problema, ilkyazın maasus, zerä az daa var bakarak kırlara, sıra geler uzak gitmää Komrattan,   dolayda yok nereyi koymaa kuannarı,  varsa da orada kendi kuancıları var, er zor bulmaa, amma inikunu alla bizä yardım eder. nekadar uzak okadar taa zor»,- dedi Mihna. 

Bu yerdä bal taa yaşayacek okadar, nekadar açacek yoncä otu hem  çalacek saçak kuşu.  Genişletmää hotulları  Andrey plannamȇȇr, yok istemäk, çünkü bu uura deyni büük investiţiyalar olsunnar lääzım. 

«Bitki yıllar vermedilär kolaylık toplamaa finans, deeciz resursları,  ki  almaa eni hitul, tedarlık,  biz genişleneriz yılda 5-10 proţenda. Büünkü günä 100 hotul var, 80 bal verer. Bu işä çok finans gider, bir hotul paalı tutȇr,  Kuannarı biz var nasıl zeedeledelim, ama avadannıklar pek paalı»,- urguladı kuvancı.

Büün Andrey Mihna  o insannardan birisi, angısı Gagauziyada  unikal kultura hem tabiat zenginniklerini  koruyȇr.  Onun istoriyası  getirer aklımıza, ani lääzım  korumaa te onu ne verdi bizä tabiat hem    evlatlara onnarı vermää.  Kuvancının plannarında  açmaa küçük  üürenmäk merkezini,  neredä o üüredecek uşakları  zanatlanmaa ekologiya tarafından pak çiftçiliklän.