Tarakliyada geçti 25-ci dünnäarası etnokultura festivalı ETNO FEST TARACLIA-2026. Bu yıl onun baş temasınnan oldu halkların baalantıları kultura aşırı. Yortuya toplandılar milli toplumnarın temsilcileri yaradıcılık kolektivlär, Moldovanın türlü regionnardan hem sınır aşırıdan ustalar hem yapıcılar.
Çin sabaaylendän Tarakliyanın meydanı oldu bir büük yortulu er. Burada ötärdi muzika, göstermelkär geçärdi, türlü yaşayan punktların temsilcileri tanıştırardıalr musaafirleri kendi halkın adetlerinnän. Herbir aul annattı kendi topluluun kulturası hem yaşaması için- milli kostümnarın, zanaatların, imekelrin hem adetlerin yardımınnan.
Masalarda – sarmalar, kıvırmalar, kaurmalar, meyvalar, milli imeklär. Hepsini bunnarı hazırladılar maasuz festival için, koruyup adet reţeptlarını, angıları dedelerdän evladlara geçerlär.
Bölä buluşmakların yardımınnan pay alannar göstererlär kendi tradiţiyalarını hem da tanışȇrlar komuşu kulturasınnan. Konuşmak hem kolaylık göstermää regionun zenginnii oldular bu festivalın özellikleri. Gagauziyayı bu festivalda gösterdilär kolektivlär Kıpçaktan ,Kazayaktan hem Kongazdan «Altın çöşmä» ansamblisi.
Festivalä geldilär devlet temsilcileri, diplomat misiyaların hem dünnäarası organizaţiyaların temsilcileri. Ofiţial payına katıldı Moldovanın premyer- minsitrusu Vasiliy Tofan hem Moldova parlament deputatları.
VASİLE TOFAN Moldova Premyer- ministrusu
«Biz yaşȇȇrız dünnedä, neredä bizi savaşȇrlar pay etmää. Biz yaşȇȇrız zor dünnedä , neredä yanımızda cenk gider. Düşünerim, ani bölä kuşku vakıtlarda önemni birleşmää neçinki biz lafederiz türlü dillerdä. Bizdä etnik özellikleri türlü- türlü da bu zor vakıtta bizä önemni birleşmää, da bu gözäl festival yardım eder bizi hepsimizi birleştirmää.».
Olayın kurucuları oldular Taraklı dolay nasaatı hem Taraklı primariyası barabar Evropa Birliinnän. Hepsini yortuylan kutladı Taraklı dolayın başı Lazar Dermenji.
LAZAR DERMENJİ Taraklı dolay başı
«Festival, angısı 25 yıl toplêêr insannarı türlü devletlerdän, kulturalardan hem adetlerdän. Birlik — o diil ani olmaa bir türlü, ama olmaa barabar bakmayarak bişeya. Bu türkü oyun hem dostluk yortusu , insannarın yortusu. Biz lafederiz başka dillerdä, bizdä başka-başka adetlär, ama açan birerdä toplanêrız horuya — diişilmeklär olêrlar zenginnik.
Festivalin sınırlarında büük dikkatlıklan nışannandı, ani herbir halk kendi kultura zenginniklerini lääzım korusun. Moldova Parlament deputatları festivalin onemnii için söledilär.
NATALYA DAVİDOVİÇ Moldova Parlament deputatı
«Burada musaafirlär bütün Moldovadan — hepsi halklar , angıları devlettä yaşêêrlar burada kendi adetlerini teklif ederlär. Çok var musaafir sınır aşırıdan — yaradıcılık kollektivleri Yassıdan Ukrainadan. Ne var nica olsun taa önemni o erdän neredä var kolaylık toplansın insannar, lafetsinnär paylaşsınnar adetlerinnän?!».
VLAD BÊTRINÇA Moldova Parlament deputatı
«Bu festival — önemni bir adet, angısı urgulêêr, ani insannarı lääzım saymaa ölä nicä onnar var, gösterer,ani herbir kultura önemni olêr bütün devlet için. Insannarın haklarını lääzım esaba almaa, dilleri, adetleri, lääzım yardim etmää, neçinki maasuz bunda Moldovanın gözellii».
Taraklı kasabası için bu yılkı festival ayırı oldu — 25-ci yıldönümünnän. 2026-cı yılda EtnoFest Taraklia ilk keret «Pomul vieţii» kultura hem turistik programasına girdi.