Коmratta erindeki alış-verişçilik hem usta mallarına deyni yarmarka geçirildi. Yakın 40 pay alanadan devletin türlü regionnarından kendi mallarını geniştän temsil ettilär: ȇkologiya imek — sucuk hem süt masulundan malları, tekstil, kaplar, suvenirlär hem başka işlär.
Erindeki alış-verişçilik çalışannarına deyni yarmarka Komradın büük tükennerin aulunda geçti. Bütün günün sırasında komratlılar hem kasabanın musaafirleri erindeki alış-verişçilerin mallarınnan tanışabildilär, alabildilär hem satıcılarlan lafedäbildilär. Komratta bu sergi ikinci kerä geçiriler. Belţıdan iş adamnarı hem alış-verişçilik Asoţiaţiyanın menedjeri Svetlana Melnik söleer, ani bu oluş ii bir meydan erindeki malları ilerletmää hem regionnarın aralarında iş baalantılarını kurmaa. O hep ölä yarmarkanın neetini açıkladı.