Komradın 9-cu uşak başçasında iki grupada en küçük uşakalr için başardıalr remont işlerini hem onnarın donatmasını, kuruldular zamandaş korkusuz koşullar uşakalrın terbietmesi hem bakması için, nışanner üüretim kurumun administraţiyası. Şindi yaslaya var nasıl taa 30 uşak üç yaşından gezsin. Proekt yapıldı «Yaslaların izmetleri» milli programasına görä.
Komradın 9-cu uşak başçasında yasla grupaların birisini düzdülär taa birini da donanttılar mebellän angısı yakışıklı ulşakalr için üç yaşınadan. Kurumun başı Anna Kroytor nışannadı, ani proekt yardım etti çözmää problemaların birisini, angılarınnan uşak başçası karşı geler. Onun laflarına görä kurumda vardı grupa uymak için içerlän, ders geçirmesi için salaylan, kufneylän, hem rubalar için odaylan, angısı ok vakıt işlemärdi neçin ki orada remont yoktu.
İniţiativanın yapılmasına Moldova devletin hükümeti verdi bir million 212 bin ley devlet bücetindän regional hem erindeki ilerlemäk milli fondun yardımınnan haberledi Anna Kroytor. Yasla grupası ana-bobaların aralarında sorumnu oldu urguladı uşak başçasının başı, neçin ki kimileri isteerlär işä çıkmaa beklämeedän açan uşak üç yaşında olacek.
İşlemää küçük uşaklarlan hem zor, hem ilin, hem da sevinmeli, nışanner teebiyedici Mariya Grozdeva. Zor neçin ki her gün lääızm dayanmak olsun hem kuvet koyması. İlin, neçin ki uşaan canı açık hem gülüşleri canını sıcaklan doldurer. Şen neçin ki yanında öter gülüş, duuyerlar ilk açmaklar hem küçük ama önemni enseyişlär.
«En zor etap o adaptaţiya vakıdı, açan lääzım üürenmää uşaa, taa yakından tanışmaa onunnan. Biz savaşerız sıcak atmosferayi kurmaa, ki uşak raat kendisini duysun,. Savaşerız herbir uşaa pıtikayi bulmaa hem anaya-bobaya da intereslän uşak başçasına gezsin. Oyunar yardımınnan hem taazä solukta gezinteleri geçireriz»,- nışannȇȇr teebiyedici Mariya Grozdeva.
9-cu uşak başçasında yasla grupaların genişlenmesi proekt yapıdı 2025-ci yılın 2026-ci yılın mart ayınadan. May ayın birindän uşak başası neetlener açmaa ikinci grupayi taa 15 uşak için angıalrı 2024-cü yılda duudular. Bu olacek önemni adımnan ana-bobaya karşı hem kurmaa uygun koşulları uşakalrın ilerlemsi hem terbietmesi için. Bütündän uşak başçasına 260 uşak gezecek. Devlet yaslalar izmewtleri programaya görä Moldovada 17 proekt yaşamaya çıkarıler, angılarınnan bakıler kurmaa yada modernizaţiya yapmaa 24 yasla grupasına devletin uşak başçalarında. Başarıldı 12 proekt. Da onnarın yardımınnan uşak başçasına gezäbilecek yakın 280 uşak.