Komratta geçti forum, angısı  kasabanın becerikli hem aktiv karılarını topladı. İş  insannarı, kurumnarın başları, başka zanaatların temsilcileri, ki paylaşmaa kendi becermeklerinnän  hem annatmaa nicä onnar  etiştilär  bölä uura. Oluşun  hazırlaycısı oldu «Saalık»  cümnä kurumu. 

Karıların forumunda karılar açıktan annattılar kendi professional yolu için,  zorluklar için, angılarınnan karşı geldilär.  Hem  ne  yardım etti onnara  kalkmaa üüsek basamaa kendi işindä. 

«Büün biz toplandık karılar forumuna, angısında biz bakacȇz nicä herbir pay alan etişti üüsek uura kendi zanaatında. Hem nicä etişmää üüsek uura».

«Her bir insan lääzım  olsun kendiycesinä. Kendisi kararlasın,  ne ona yaşamakta lääzım, er koyarsa nesoysa neetleri önünä.  Olsun kolaylıklar onnarı aslıya çıkarmaa. Ki duymayasınız kendinizdä baskı, ama işlemää da gitmää ileri».

Hazırlayıcıların laflarına görä , forumun baş neeti- tutturmaa karıları hem kurmaa platformayı, neredä onnar biri-birinä ihläm vererlär hem paylaşȇrlar  becermeklerinnän. 

«Biz büün  bizim diil bölä büük kollektivlän, toplȇȇrız sade karıları , bundan kaarä  ani onnar gözäl karılar,  ana, eş, dost, onnar hep ölä professional kendi işindä. Da var nicä olsunnar örnek  gençlerä deyni, başkasına deyni»,- Elena Russu nışannadı.

Nicä  söledilär pay alannar, bölä forumnar pek  önemni hem herbir istoriya — örnek gibi, ani istediynän  hem gittiynän kendi neetinä, var nicä üüsek başarlara etişmää.

«Halizdän var neetin hodullanım,  zanaatımda da üüsek uura etiştim,  neetleri da, angılarını koydum önümä, yaptım. Bän sayȇrım, ani hiç bir keret tä dill lääzım durgunmaa, ilerlemää kendi işindä. Bän söleyecäm bölä, ani  etişmää deyni üüsek becermeklerä, lääzım bakmamaa  türlü taraflara, maksimum kuvet koymaa işindä, yapmaa hepsini, ne baalı sizinnän»,-  söledi pay alannarın biri.

Bu gün  pay alannarı  karıların gününnän   kutladılar adamnar da, onnar verdilär çiçek hem herbiri kabletti resimi  anılmış resimcidän  Vitaliy Manjuldan. 

«İlk — bu bilşeştirmää  bizim karıları bölä gözläl ilkyaz yortusunda.  Birleştirmää bizim cümneyi».

«Bän tutturȇrım, açan insan kendisi  kalkȇr ayaa, er bu baalıysa çoyu işlärlän, nicä zanaat uurunda, ölä dä başka uurda, angıları vererlär kolaylıkları  olmaa serbest adamnardan. Onun peydalanȇr kuvedi, maasuz bu forum verer kolaylık bunu annamaa, ani bu  haliz var nicä olsun».

«Pek önemni karıları esaba  alalım,  da biz bileriz, ani taa büük erlerdä işleerlär adamnar, karılara taa zor buna etişmää, onnar buna taa çok kuvet harcȇȇrlar».

Forumun pay alnnarı  pay oldular kendi ideyalarınnan gelecek buluşmalara.