İyülün 9-da Parlament oturuşunda deputatlar devlet satın almakları millet korkunçsuzluun uurunda kanon proektin ilk okumasında açıkladılar. Açıklamak kiyadında proekt doorudulu Evropa Birliinä girmäk için «Devlet satın almakları» annaşmanın 5-ci bölümün kapatmasına.
Millet korkunçsuzluk uuruna hazırlı Devlet satın almakları kanon proektini MD finans Ministerliin dvlet sekretari Elena Grumeza teklif etti. Onun laflarına görä, devleti korumak uurunnan baalı paalar tek kriteriya yok nicä olsun.
«Вu uurda devlet lääzım baksın diil sade ii paaya satın almaa, ama tehnika zamanında getirilsin, onu kullanmak zamanında kullanabilelim, informaţiya saklı olsun hem satıcı en zor vakıtta da annaşmayı geliştirsin»,- Elena Grumeza nışannadı.
Açıklamak kiyadında, ne eklener kanon proektinä, devleti korumak için satın almaklar №131kanonuna uymȇȇrlar. Proektä görä, eni kanon asker tehnikasına baalı, var olan sorumnuklara hem kintraktın apılmasına. Devlet satın almakları, nicä dokumenttä yazdırılı, toplam kurallara görä yapılaceklar. Açıklamakların sırasında, Soţialistlär blokundan Marçel Çenuşa kanon proektin 27-ci statyasına dikkat etti, angısı yabancı satıcılarınnan annaşmayı götürer, dokumentin içindeliinä görä, ona premiyayı hem kompensaţiyayı devlet büdjetindän ödemää.
«Biz göreriz, ani 81/2009 evropa direktivasının hem EB integraţiyası uurunda, devlet korkunçlu mehanizmasını büdjet harçlarından geliştirer. Kanonun 27-ci statyanın 14-cü bölüünnän biz hak ederiz üstün parayı ona ödemää»,- Marçel Çenuşa sayȇr.
Proektin avtoru opoziţiyanın takaza etmesinä aklısına getirtti Korumak Ministreliinçalışan satın almaklarına dooruttu.
«Eni kanon sade asker tehnikasına baalı. Korumak Ministerlii şindi iç reglamentini kullanȇr, angısının kanon kuvedi yok.Bu kanon proekti açık annaşmalara doorudulu – büün o kanonnan kantarlanmȇȇr»,- Elena Grumeza söledi.
Alternativa Blokun deputatı, ȇks-premyer İon Kiku, proektin korupţiya risklerinnän baalı soruşları kaldırdı.
«Siz hükümetlän proekti teklif edersiniz. Açan bu proektin korupţiya riskleri soruşları peydalanȇrlar, var kolay institutlara, angıların konflikt meraklıı var Korumak ministerliinä doorudasınız.hepsi beener devlet satın almaklarını çevirmää biraz başka türlü, sade açık uurda diil. Benim soruşum: Millet merkezinnän, angısı korupţiyaylan güreşer, siz nicä bu çıkışı kurdunuz?»,- İon Kiku sayȇr.
Devleti korumak Ministerliin bakışınnan deputatlara kurumun temsilcisi Gleb Koka danıştı.
«Proekt korumak Ministerliinnän annaşıldı, hepsi soruşlar açıklandılar. Proekt Evropa Birliin derektivasını geçirer millet kanonuna, satın almaklar açık uurda geçirileceklär»,- Gleb Koka dedi.
Proektin antikorupţiya açıklamaklarınnan oturuşta Korupţiyaylan güreşmäk Millet merkezin temsilcisi.
«Korupţiyaylan güreşmäk Millet merkezi teklifleri açıkladı: altısı kabledildi hem kanonna geliştirildi. Millet merkezin hepsi çıkışları esaba alındılar».
Seçmäk sonuşlarına görä, ilk okumakta proekt 58 kabledildi. Profilli komisiyanın kararına görä, ikinci okumayadan tekst taa çalıştırılacek.