Коmratta dedelär tradiţiyalarını koruyȇrlar. Erindeki usta Mariya Arnaut yakın on yıla kıvırcık kalpakları diker. Kendi ustacılıını o bobasından hem düdusundan çekti. Büün gagauz millet kalpakları sorumnu, ustaya deyni – o zanaat sade diil, o aylä el zanaatını ilerletmäk.
Кıvırcık, iplik, iinä hem çok yıllık bilgilär. Arnaut Mariyanın ellerindä adam kalpaa yavaş-yavaş kabını alȇr. Her bir kalpaa usta ellän diker, tehnologiyaları kullanarak, angıları yıldan – yıla hem boydan –boya onun aylesindä geçärdilär. Ustacılıklan Mariya yakın on yıla zanaatlanȇr. O söleer, ani sevgi var olan zanaata uşaklıından çekiler, açan yanında bobası kalpakları dikärdi. Arnaut Mariyaya deyni bu zanaat sade diil, el ustacılıı – o aylä istoriyası.
МАRİYA ARNAUT el ustası
«Bän hodullanȇrım onnan, ani bu zanaatlan bobam zanaatlanardı. Bän da isteerim aylemin, bobamın, dädumun el zanaatını biraz makar ilerletmää».
Büün millet kıvırcık kalpaklarına sorumnuk korunȇr, söleer usta. Onnarı türlü yortulu oluşlara isteerlär. Oyun kolektivleri kara kalpaklarlan sţenada kendi halkın milletliini çizgilerlär. Her bir baş tertibi zamanı, kırnaklıı hem ufak işlerä dikkatlıı isteer. Mariya içi önemli diil sade kalpaan dış görümnüsünü korumaa, ama onun istoriyasını hem harakterini dä göstermää.
МАRİYA ARNAUT el ustası
«Nicä festivallerä başladık katılmaa, lääzım oldu kalpak. Bän utandım satın almaa onu, çünkü bobam hem dädum bu kıvırcık kalpaklarını dikärdilär».
Arnaut Mariyaya deyni her bir dikili millet kalpaa – o geçmişi zamandaşlan baalatmak milletlii. Aylä ustacılıı, angısı aylä soylarınnan çekedilmişti büün ilerleer onun ellerindä. Olur olsun, ani butakım ustalar yardım ederlär tradiţiyaları korumaa hem yaşatmaa.