Sentäbrinin 29-da bütün dünnedä kalbın dünnäarası günü bakıler- gün, angısı aklımıza getirer nekadar önemni kendi saalıını bakmaa. Kalp dünnäarası federaţiyasının haberlerinä görä kalp-damar hastalıklar kalerlar ölmäk sebeplerin birisinnän bütün dünnedä. Ama doktorlar sayerlar, ani olayların çoynda vardı nicä hastalanmamaa eer insan yaşamayı diiştiriydi.
Kalp hastalıklar kalerlär ölmäk sebeplerin birisinnän bütün dünnedä. Kalp- damar hastalıkların arasından uzmannar belli ederlär işemiya hastalıı, infarkt, aretmiya, gipertoniya, nışannadı Komrat bolniţasının kardiologiya bölümün başı Andrey Topalov: «Bu hastalıkların sebepi— arteriya gipertenziyası yada nicä taa ileri sölärdilşär gipertoniya. Yazık ama insan onu seryioz kabletmeer. Eer onu ilaçlamarsaydık o getirer kalp hastalıına, angısı ilaçlanmaz hastalıınnan sayıler».
Kalp hastalıkların peydalanamk sebepleri türlü var nicä olsunnar- anadan- bobadan geçmää, yaşamak koşullardan çekilmää- prost imek, aaz gezmäk hem streslar söleеr kardiologiya bölümün başı Andrey Topalov: «Var pprost taabetlär angıalrından atılmaa lääzım- o ţigara çekmesi hem alkol. Küçük fizikultura aktivlii- insan üşener fizik sınışalrı yapmeer. Eterli 150 minut aftada hızlı gezmäk çok kalp damar hastalıklarını yok eder. Ţigara çekmesi getirer koronar arteriyaların ateroskleroz halına bu kalp arteriyaalrı angılar getirerlär infartk olayına. Hep ölä kafa aretiyalar angıalr getirerlär zor hala -insult hastalıına».
Kardiologiya hastalıklar gençlenerlär. Diil çoktan infarkt hem insult sayılardılar yaşlı insannarın hastalıklarınnan, ama büünkü gün bölä diagnozlar koyulerlar 30-40 yaşında paţientlara.
«Bu hastalık gençlener büünkü gün. Diagnostika üüsek uura kalktı. Var tertiplar, angıalr belli ederlär nesoysa hastalıkları. Daa eer vakıtçasına ilaçlamayi çeketmää, ozaman var nasıl yaşamak kalitesini taa ii yapmaa hem bölä insananra ömürü uzatmaa»,- söleеr kardiologiya bölümün başı Andrey Topalov.
Mediklär sölerlär ani lääızm yapmaa kuralalrı- taa çok gezmää, dooru imekleri kullanmaa, çigara çekmesindän hem alkol içkilerdän atılmaa, tansionu bakmaa da bu hepsi ölçülär yardım ederlär korumaa kalbı o saalıklı olsun çok yıl nışanner kardiolog doktoru Andrey Topalov: «Doktorların nasaatlarını lääızm yapsınanr- vakıtçasına gelsinnär, vakıdı uzatmasınnar, ilaçları kabletsinnär angılarını biz yazerız da ozaman onnarın yaşaması ii olacek».
Moldovada kalp- damar hastalıklar ilk erdä bulunerlar ölmäk sebeplerin arasında da kurer 55 proţent bütün sayısından, angıalr diil infekţiyalı hastalıklardan çekilerlär.