Premier-ministru Aleksandru Muntänu Hükümetin oturuşunda mart ayın 11-dä nışannadı,ani Moldovada var nekadar lääzım petrol malları yakın vakıtlara, bakmayarak ona,ani panayırda paalar üüselerlär hem duyulȇr sıkıntılık regionda,angısı verer zorluu energetika sektoruna.
Hükümetin başı Aleksandr Muntänu haberledi,ani devlettä var nekadar lääzım petrol malı yakın zaman için, angısı doluşȇr mal gelmesinnän Djurdjuleşti portundan, bakmayarak ona,ani regionda paalar üüselerlär hem diil uygun koşullar.
«Bizdä var benzin yakın 23 günä, dizel taa aaz,lääzım etsin yakın iki aftaya. Şindi taa mallar gelerlär Djurdjuleşt portundan.Nicä annȇȇrım, Petromidia kurumu Nȇvodari yaşamak puktunda,Rumıniyada çekettirer kendi işini da bu illinneder durumu»,- Aleksandr Muntänu Moldovanın Premier-ministrusu nışannadı.
Premier-ministru nışannadı,ani Moldovada kalȇrlar en küçük paalar petrol malları için regionda, ne getirer ona, ki komuşu devletlerdän şoferlar gelerlär burada petrol mallarını satın almaa.Alarak esaba paaların üüselmesini, kuvetlär neetli kolaylıkları giriştirmää, tutturmaa deyni yaşayannarı, ama bu mehanizmalar için haberlenencek biraz taa sora.