Haydarda Kilim festivalinä hazırlanȇrlar. Bu yıl yortu muzeyin enilenmiş meydanında geçecek. Musaafirleri gagauz kilimnerin tradiţional zanaatları, master-klaslar, Gagauziya ustaların zanaat sergileri bekleerlär. Temayı SŢDimitroglo ilerleder.
Тradiţiyalar, angıları soydan-soya geçerlär, enidän Haydar küüyün yaşayannarını hem musaafirleri Kilim yortusunda toplayacek. Bu yıl festival muzeyin enilenmiş erindä geçecek. Burada birkaç çalışmak bölümü hazırlanacek, neredä birkaç soy tematikalı meydannar erleşeceklär, söleer Kultura evin öndercisi Anna Kiosä.
ANNA KİOSÄ Kultura evin öndercisi
«Bu eri beş meydana bölecez, neredä yapaayın yıkamasından, kilim kırmasınadan zanaatları gösterecez».
Özel eri kurucular Gagauziya ustalarına böleceklär. Onnar muzeyin parkında erleşeceklär.
ANNA KİOSÄ Kultura evin öndercisi
«Parkta bizim ustalarımız kendi incäzanaat işlerini temsil edeceklär».
Festival Haydarda – kilim ustacılıını hem onun paalılıını göstermesi sade diil, ama taa kolaylık dedelärlän diri baalantıyı göstermää, söleer Anna Kiosä.
ANNA KİOSÄ Kultura evin öndercisi
«Festival bizä deyni küüyümüzün ustacılıını korumak kolayı».
Kurucular yortuya hepsini teklif ederlär, kim halk ustacılıınnan isteer tanışmaa, kilimin kurulmasınnan isteer tanışmaa hem gagauzların musaafirciliini tanımaa.