Kongazçik küüyün yaşayanı Telpiz Vasiliy- icelini muzikay baladı .Küçük yaştan ona anası -bobası, dädusu halk muzika avalarına sevdirdilär, ana erin folkloruna üüredärdillar.
Kongazçik küüyün yaşayanı Vasiliy Telpiz — «Kadınca» Gagauziya oyun hem tütkü ansamblisinin muzikacısı. Akordeon – onun sevgili instrumenti.
«Bän küçuklüümdän uzun hey hey bilärdim. Garmoniyada 4- klastan ürendim çalmaa. 6-çida kakum verdi muzika okuluna. Hepsi istäärdi benimnän gezmää hey-hey .Çok gezdik «Kadınca» kollektivinnän»,- Vasiliy Telpiz paylaştı.
Ama en önemli sţena V.G.- 8-ci uşak başçasında.Muzika uzmanı,nasaatçı, çoyuna insan, angısı halk muzika avalarını cannarında açȇr.Uşaklarlan barabar o Eni yıl türkülerini ,oyunnarı üürener. Milli instrumenlerinä tanıştırȇr hem sevdirer uşakları.Onnarın repertuarında yakın 10 muzika halk avaları var. Önemli,ani uşaklar büük havezlän onnarı sesleerlär hem çalȇrlar.
«Uşakları sevärkänä, görersin kendi işini. Açan görersin,ani uşak «Kadınca» kiraţa avasını oynȇȇr,anası deer-bän bilmäärdim ,ani ölä gözäl öter»,- Vasiliy ekledi.
Halk oyunnarını uşaklar büük havezlän oynȇȇrlar,angılarında Bucakta yaşayan insannarın kulturası belli olȇr.Analar-bobalar şaşȇrlar da söleerlär,ani kimi folkloru kendileri dä unutmuşlar,söleer Vasiliy Telpiz: «Lääzım anaya –bobaya sölemää,ani uşaanda var talant.Bän ölä da yapȇrım.Sizin uşaanızda var talant,o çalabilecek çırtmada. Açan da metedersin, uşaklar sevinerlär ,onnarı lääzım sevmää».
Bir kerä V G hastalandı, da işä gelämedi. Uşaklar meraklandılar,bekledilär onu. Alezdän pek sevindilär,açan büük dost hem üüredici gruppaya geldi, söleer Vasiliy Telpiz. Onnarlan şaka olarak hem sıcak cannan çalışmaa lääzım,ozaman onnar başarılı olaceklar.
«Açan geldim ,da uşaklar beni sardılar.Bän sorȇrım siz neredeysiniz, bän arȇrım sizi. Biz bıradaydık,aldatmȇȇrız.Uşaklara nända cumbüş,kabartmaa onnarı,ozaman da onnar savaşȇrlar gitmää ileri»,- Vasiliy Telpiz söleer.
Eni yıla karşı V G uşak başçasında yortulu programayı hazırladılar. Uşaklar üüyrenärkänä adetlerimizi –gagauzların kulturası ilerleyecek. Muzika ,angısı evelki zamannardan evlat boylarımıza etişer, bulȇr büük er insannarın cannarında .