Güzün kultura afişası git -gidä taa da zenginneşer. Spektaklilär, filmlar, festivallär, gözellik yarışması hem da büük bir yıldönümü — Birleşik Kultura Merkezi yakın aylar için plannarını artık belli edildi.
Çadır-Lunga kultura yaşamasında ilk büük olaylardan birisi — teatr gösterisi olacek. Kultura Ministerlii «Acces la cultura» programası çerçevesindä «Liberȇ» balet-spektaklisi gösterilecek.
JANNА PAŞALI Çadır-Lunga muniţipiyası Birleşik Kultura merkezi direktoru
«Bu filosofiyalı bir gösteri. Horeografın adı Moldovada hem da halklararası arenada biliner. Bizim için onun gelmesi büük bir şans».
Kultura afişanın sıradakı olayı —film. Sentäbrinin 25-şindä,yarım ikiya gündüz siiredicileri «Yaşamanın çiçää» dokumental filmına bekleerlär.
JANNA PAŞALI
«Prodüserlar hem da rejisör geleceklär. Siiredicilär filmdan sora onnarlan buluşup, konuşabileceklär».
Kızlar için dä güz zamannarda eni kolaylıklar olacȇk. Çadır-Lungada «Bucaan Gözellii» yarışmasına hazırlıklar başlêêr.
JANNA PAŞALI
«Kızlara 16-dan 24- yaşına kadar danışȇrım, Bucakta — Çadır-Lunga, Komrat, Valkaneş, Tarakliya, Bessarabka, Leova rayonnarından, hem da Ukrainanın gagauz küülerindä yaşarsaydınız—sentäbrinin 23-dä Kultura Merkezindä kastinga bekleeriz».
Kultura Programası diil sade kasabada plannanȇr.
JANNA PAŞALI
«Sentäbrinin 19–20 Birleşik Kultura Merkezi, Moldova Respublikasının Etnik Baalantılar Agenstvosu hazırlayan festivalda Tarakliyada hem da Kişinövda pay alacek. Biz orada Gagauziyanın kulturasını gösterecez».
Yılın sonunda da Birleşik Kultura Merkezindä büük bir yıldönümü plannanêr.
JANNA PAŞALI
«50 yıl biz bu binada bulunêrız, ama 87 yıl kultura merkezi olarak çalışêrız ».
Çadır-Lunganın güz afişası taa eni olaylarlan tamannanacek. Önümüzdä eni buluşmalar, premiyeralar, festivallar .