Kişinövda Konstituţıya davası kararını Gagauziya seçim kodeksinin diişilmekleri için tombarlak masa çerçevesindä baktılar. Diskissiyada devlet hem Gagauziya kuvetleri temsilcileri, seçim proţesi ekspertleri, jurnalistlär hem cümnä temsilcileri pay aldılar. Baş tema – Gagauziyanın seçimnerin serbest, açık geçirilmesi.
Moldova Merkez seçim komisiyasının temsilcileri çizgilediär: seçim proţesleri dolayda Moldova Devleti Seçim kodeksin normalarına uysunnar lääzım.
PAVEL POSTİKA MD Merkez Seçim komisiyası başı yardımcısı
«Biz savaştık diişilmekleri Konstituţiya davasının kararına görä Seçim kodeksin statylarına uydurmaa. Biz belli ettik, ani Gagauziyada seçimneri sade Moldova Seçim kodeksinä görä geçireleceklär ».
Hep ölä laf gitti cümnä temsilcilerin hem mas-mediya azaların pay alması için seçim proţesindä. Oturuşun pay alannarı urguladılar, ani onnarda lääzım olsun obyektiv informaţıya, ki dezinformaţıyaya er kalmasın hem olsun kolaylık insana seçim kurallarını annaşılı annatmaa, söledi Liliana Viţu- Eşanu, komminikaţiya strategiyası hem dezinformaţıyaya karşı durmak merkezin başı.
LİLİANA VİŢU- EŞANU komunikaţiya strategiyası hem dezinformaţıyaya karşı durmak merkezi başı
«STRATCOM merkezi var nicä yardım etsin. Biz Merkez seçim komisiyasınnan baalantıları tutȇrız. Bizim nasaatımız nekadar taa çok lääzım insannan lafetmää, derindän annatmaa proţesleri ».
Moldova Devleti Parlamenti deputatı Larisa Voloh sayȇr,ani buluşmanın çıkışı Komradın hem Kişinövun aralarında dialogun lääzımnı.
LARİSA VOLOH Moldova Devleti Parlamenti deputatı
«Biz umutlanȇrız,ani noyabridä Gagauziyada açık seçimnär geçireleceklär. Kurulacȇk eni GHT hem ayırılacȇk eni başkan,angısı Moldova devleti Konstituţıyasını kullanacȇk».
Buluşmanın pay alannarı yaptılar çıkış: seçimnerin açıklıı, kanonnarın yapılması hem herzamankı dialog yaşayannarlan – baş dava, ki avtonomiyanın seçimnerinä inan olsun.