Durumu, angısı Gagauziya Halk Topluşuna seçimnerin dolayinda kuruldu , açıkladılar kuvetlerin temsileri, ȇkspertlar hem cümnä aktivistları.Tombarlak masa geçti Komratta.
Ürist hem ȇkspert Dmitriy Kiseev urguladı, ani seçim proţessı avtonomiyada kanona görä lääzım geçsin.Kandidatlar lääzım onnarı tamannasınnar.
«Eer ölä olarsa, ani seçimneri bizdä geçirärsiydilär Moldova kanonnarına görä, ozaman kandidatlarnın yarısı, beki da taa çoyu, güvensiz sayılıcıklar da seçimnerä brakılmıcıklar.Onuştan lääzım bu deputatlar bıraz düşünsünnär»,- Dmitriy Kiseev urguladı.
Seçim proţeslerinnän baalı problemaların çözülmesi için dialogun kurulması pek önemni, söledi Gagauziya baamsız jurnalistika merkezin başı Stepan Piron: «Burada lääzım düşünmää ne olacek sora. Sanmamaa, ani te biz taa aşaa kalacez. Görmeerim problemayı eer biz adım geeri yaparsaydık ama bunu kanona görä yapmaa lääzım. Başka laflan sän yok nicä kullanasın onu ne kanona uymȇȇr, zerä vakıtlan bu yannışlıklar üzä çıkaceklar».
Sade çalışarkana barabar, kanon uurunda, açıkçasına hem saygılıklan biri- birinä salt ozman dooru hem serbest seçim proţesini kuralım, urguladı Çadır muniţipal nasaatın azası Andrey Mihaylov: « Platforma o er, nicä çoyu söledilär burada kurulu onun için ani Gaguziyanın hepsi yaşayannarında olsun kolaylıkalrı açıklasınnar kendi fikirlerini ne baalı kurulmuş durumnan. Umutlanerım, ani bölä olaylar geçeceklär diil sade Komratta ama Çadır hem Valkaneş dolaylarında da. Bu başlantısı. Da isteerim bundan sora raat, açık hem biri-birinin gözlerinä bakarak sölemää o problemalar iöin hem daavalar için angıları durerlar avtonomiyanın önündä. Zerä biz söleeri gagauz avtonomiyası için onun gelecää için ne olacek yaarına».
Kendi fikirtini açıkladı komratlıyka İrina Drangoz. O söledi, ani herbir kişi lääzım zaamet koysun kendi Vatanın ilerlemesi için.
«Bizdä hepsimizdä var uşak da biz lääızm düşünelim ne onnara brakacez. Bän gururum, ani burada bulunerım, ani teklif ettilär diil sade adamnarı, ama karıları da, zerä Gagauziya bana oldu ikinci vatanım. Bän kendim Moldovanın poyraz tarafından. Orada duudum, ama 30 yıldan zeedä yaşeerım burada Gagauziyada. Da burada benim evim, benim ayläm»,- açıkladı komratlıyka İrina Drangoz.
Olayın pay alananrı nışanandılar, ani bölä buluşmaklartı daymaa neetlenerlär geçirmää da teklif etmää onnara kuvetlerin temsilşcilerini hem vatandaşları.