Gagauziya yaşlı nasaatın temsilcilerini nışannadılar üüsek ödüllärlän, aatlarlan hem şannı gramotalarlan, angıları baalı Halklararası yaşlı insannarın gününnän.
Toplantı, angısı adalı Halklararası yaşlı insannarın gününnä kurildu hem geçirildi Komrat kasanasının restorannarın birisindä, nereyi teklif edildildilär Gagauziya yaşlı nasaatın temsilcileri aftonomiyanın herbir yaşamak erindän. Ödülleri avtonomiyanın yaşlı nasaatın azalarına, adayıp çok yıllar yaşasınar hem kaavi saalık başışladı Gagauziya bakannık komitetin başın ilk yardımcısı İlya Uzun: «Bän sizi tutȇrım aklımda genç hem açık, ama bän isterim sizä sölemää, ani büün dä bulunup büük yaşlarda, sayȇrsınız patriotik duygularını gagauz avtonomiyasına. Da siz sayılȇrsınız örnek gibi Gagauziya yaşayannarı için. Siz sayılȇrsınız büük dost gibi, kim o koruyȇr bizim adetleri hem aylä paalılıklarını».
Mihail Çakir adına ordenı, Gagauziya şannı aadını hem başka üüsek atları hem ödülleri kablettilär Gagauziya yaşlı insannarın nasaatın temsilcileri kurumun öndercisi çizgiledi, ani baaşışlamaa yaşlı insannarı oldu bir islä adet gibi avtonomiyada.
Vasiliy Arnaut Gagauziya yaşlı insannarın nasaatın başı: «Gagauziyanın hepsi yaşamak erleri bitki yıllar her yıl nışannȇrlar yaşlı insannarın yortusunu, angısına girer uşak başçaların, okulların üürenicilerin hem kultura evlerin temsilcilerin yortulu programası».
Yaşlı insannar nışannȇrlar ani pek sevinerlär ki onnarın çalışmaklarını saydılar hem hükümet hem kurum.
Födor Kuru yaşlı insannarın nasaatın temsilci, Gaydar: «Bitki vakıtlar yaşlı insannar kaldılar kendi kendilerinä. Kimsey onnarı aklına getirmedi neçin ki açan onnar işlärdilär- lääzımdılar, sora onnarı unuttular».
Valentina Boçarnikova Yaşlı insannarın nasaatın öndercisi, Ferapontyevka: «Nasaatın işi hem herbir küyün bölümneri pek önemli hem lääzımnı herbir Gagauziyanın pensionerları için. Onnar pek sevinerlär, ani onnarı esaba aldılar, ani düşünerlär onnar için».
Födor Koleş yaşlı insannarın nasaatın öndercisi, Valkaneş: «Bän bu kurumda işlerim 10 yıldan zedä. Bu yılların içindä üzlärlän binnär ley sade Valkaneş kasanasının insannarı için yardım verildi, may ales bitki 3-4 yıl pensionerlara etişmer pensiya parası».
Üüsek atları hem ödülleri Bakannık komitetin adında nışannandı 10 yaşlı insannarın temsilcesi. Bundan kaarä kimisi dä kurumun adından kabletti şükürlük kiyatlarını.