DARYA MASLİN fotograf
NATALYA KAPSAMUN fotograf
Harman ayın 19-da bütün dünnedä nışannȇȇrlar fotografların gününü – insannarın yortusunu, angıları durgudȇrlar vakıdı, koruyȇrlar duyguları hem annadȇrlar istoriyayı bir kıpımda. Gagauziyada foto büün diil sade zanaat yada gözäl kadralar soţial baalantılara deyni. Bu taa kolaylık korumaa bizim unikal istoriyamızı, kulturamızı, Bucak toprakların gözelliini hem aylelerimizin sıcaklıını.