P.Draganov adına Gagauziyanın bibliotekasında gagauz evin konak odanın çiizlik köşesi açıldı, neredä toplu ȇksponatlar, evcimannık tertipleri, ne gagauz halkın kulturasını hem zenginniini gösterer.
Gagauz köşesinin kuruluşu Gagauziyanın regional bibliotekasında doorudulu milletin varlıını yaşatmaa, dili tutturmaa hem korumaa gençlerin arasında. P.Draganov adına regional bibliotekasının öndercisinin Nedälkova Marinanın laflarına görä, açılış büün aktual, çünkü gençlerimiz geçmişin hem şindiliin arasında baalantıyı düşer korutsunnar.
Marina Nedälkova Р.Draganov adına regional bibliotekasının öndercisi: «Bu bizim kulturamız hem tradiţiyalarımız. Gagauz köşesi umutlanȇrız, ani meraa okuyucularımızda halkın geçmişinä uyandıracek».
Gagauziyanın bibliotekasının temel işi – topraamızın geçmişini hem şindilii açıklamaa. Butakım köşenin varlıı – istoriyamıza, Duuma erimizin tradiţiyalarını açıklȇȇr.
Маriya Arnaut Komradın yaşayanı: «Biblioteka – o er, neredä türlü halkların kulturaları yaşȇȇr. Pek öneli, ki genç okuyucularımız bizim istoriyamızlan birleşsinnär».
Gagauz köşesindä halkın evcimannıı hem halk yaradıcılıı gösterili. Burada yaşayannarımızın el işleri, dekorativ hem ev tertipleri erleştirili.
Маriya Arnaut Komradın yaşayanı: «Bir döşek, 4 yorgan, yastık, peşkir gözelleşer».
Proekt doorudulu milletin köklerini hem paalılıklarını kaaviletmää.