Komratta geçti akţiya, angısının neeti, ki insannar evsiz hayvannara yardım etsinnär. Olay birleştirdi volontörları hem kasaba yaşayannarını, angıları isteerlär yardımcı olmaa hayvannara, angıları kaldılar evsiz hem bakılmasız.
Yardımnamak yarmarkasında evsiz hayvannarın tutturması için vardılar el işleri, suvenirlar, oyuncaklar hem tematika malları. Herbir isteyan vardı nicä alsın satın beenmiş malı da bununnan yardımcı oldu hayvannara. Akţiyanın baş neeti diil sade toplamaa finans yardımını, ama çekmää cümnenin bakışını evsiz hayvannarın problemasına, cuvaplaa hem onnarın korumasına nışannadı «Piligrimı» uşak- gençlik akıntısının başı Üliya İvarlak: «Büünkü gün priyütlar hem volontörlar karşı gelerlär zorluklarlan- etişmeer em, ilaç hem sterilizaţiya tertipleri, ki hayvannarı ilaçlamaa. Bunun için yaşayannarın tutturması pek önemni nışannadı volontör Alla Hudoba. O şükür etti hepsini, kim tutturdu iniţiativayi hem kalmadı bir tarafta».
Komrat yaşayannarı tutturdular iniţiativayi da katıldılar yarmarka işinä- kim mal satardı, kim para toplardı. Birisi onnardan komratlı Andrey Mihna. Onun laflarına görä bölä olaylar önemni neçinki yardım ederlär cümnenin bakışını çekmää evsiz hayvannarın problemalarna hem birleştirmää insannarı ii işlerin dolayında.
Kimi yaşayannar para verddilär başkaları yarmarkada mal aldılar annayıp, ani hepsi paralar gideceklär ilaçlamaya, bakmaya hem sterilizaţiyaya. Komrat primarı Sergey Anastasov nışannadı, ani bölä akţiyalar yardım ederlär insana birleşmää.
Kurucular nışannȇȇrlar, ani insanın aktivlii gösterer- Komratta yaşȇȇr çok cana yakın insan, angıları hazır birleşmää da yardım etmää onnara kimä korumak hem bakmak lääzım.