Küü insannarın aulu her kerä onnara destek olardı. Ama bu yılın kasım ayın 13-dän diişerlär ev hayvanlarını hem kuşları tutmak kuralları . Devlet giriştirer maasuz limitı nekadar hayvan hem kuş tutmaa. Taa derindän annadacek bizim korespondentımız.
Eni kurallara görä, bir aulda var nasıl tutmaa 10 inek, 5 beygir, 50 koyun hem keçi, 100 tavşamadan, hem 200 kuşadan, bu sayılardan taa zeedä diil lääzım olsun. Domuzları tutmak normalara görä- iki büük domuz hem potmarlar iki aydan. Pasekalarada 30 hotul. Okadarki hepsi kategoriyalarda maksimum hayvan birdän yok nicä evdä tutmaa. Erli kuvetlerdä var hak iisltmää bu ölçüleri kendi yaşamak erlerindä. Nicä kablettilär bu enilikleri regionun yaşayannarı üürendi bizim televizion grupamız.
“Bän diilim kayıl. Neçin? Neçinki istämeerim bilsinnär nekadar bendä evdä var. Bekim büün bendä var, sabaa kesecäm. Kimin ne işi, ne bän evdä tutȇrım, bizdä ölä da yok 100 tauk, yada iki domuz , bizä däduylan 50 da eter.”
“Devletin lääzım olsun haberi, nekadar hayvan vardı insanda, ki olmaa baamsız imek tarafından, maasuz durumnarda, ki olsun ne imää, bilmää sayıları, ne halda onnar bulunȇrlar.”
“Bu taa zaamet insana, angısı ölä da işleer , kimisä da lääzım kontrol etsin nicä o lääzım satsın, isin yada satsın kuşları, neçin bu. Bän diilim kayıl.”
“Nicä insan büün tutȇr bir sayı hayvan yada kuş, yarına başka sayı, kim ondan alȇr, yada lääzm her kerä sayıya koysun onnarı. Parasız da olarsa, insan lääzım vakıdını kaybetsin, sayıya koysun, lafetsin”.
“Bu ölçülär, getirmeyeceklär ii işä, neçinki adetça hayvannarı tutmak kulturası insanda kaybelecek. Neçinki bän sayȇrım, ani insannar maasuz büün evdä büüderlär pak malları, bän beenmeerim te onnarı, angılarını satanlar tükennerdä. Sayıya koymaa deyni benim bakışım bölä, bu diil dooru. İnsana koyulȇr bürokratiya hem başka problemalardan onu alȇr.”
“İnsannar çoyu evdä tutmȇȇrlar ne hayvan, ne kuş, inek, koyun. Kim da tutȇr söleyeceklär, ani diişmekleri diil lääzım yapmaa”.
“Nekadar insan var nicä tutsun, okadar da tutsun. O yok nicä bekim bin parça tutsun, yada üz yada 10, nekadar isteer okadar tutsun. Ama ani onnar koyȇrlar bu maasuz sayıları, 10 mı tutmaa yada bin, yada kaç hotul olsun, inek — bu diil dooru”.
Nicä urguladı kuancı Andrey Novak, kuancılar bu soruşu baktılar, da verdilär kendi nasaatlarını maasuz izmetlerä, ki esaba alsınnar.
ANDREY NOVAK kuancı
“ Erli derindän üürenärsaydık bu soruşu , kanonda bölä yazılı — 30 hotul staţionar tutmaa. Kuancıların var hakı tutmaa 30 hotul. Biz bu soruşu parlamet uurunda bakȇrız, neçinki onnar yazȇrlar kanonnarı, neçinki staţionar lafın maanası, bu hotulları tutmaa sade bir erdä. Onun için erli insan çıkardı pasekayı yazın daaya, da getirdi onu iki aya evä bu diil staţionar, bu gezän paseka. Onun için biz taa bakȇrız momentleri, düşüneriz, ani kurallar taa diişecek”.
Nicä urguladı ANSA veterinar- sanitar bölümü baş inspektoru Lübomir Vartanän diişmeklerin baş neeti- bu korkunçsuzluk hem bütündän ev hayvannarın sayılması. İdentifikaţiya proţedurası insannara deyni olacek parasız, onu ödeyecek devlet.
LÜBOMİR VARTANÄN
ANSA veterinar- sanitar bölümü baş inspektoru
Belli ediler registraţiya vakıdı da. İneklerä hem beygirlerä veriler 20 gün, keçilerä hem koyunnara 60 gün, kuannara- 45 gün BeeProtect sistemasında. Haberleri tauşamnar hem kuşlar için sayıları lääzım olacek eniletmää sistemada her 7 gün. Okadrki erli inektä kayıp olarsa damga, cezalamayaceklar-erli bu faktı veterinar doktoru belli edecek.
LÜBOMİR VARTANÄN
ANSA veterinar- sanitar bölümü baş inspektoru
Taa bir diişmäk baalı ödemeklärlän. Kompensaţiyayı hayvannar için, angıları
alındılar hastalıın beterinä, ödeyecek AİPA kurumu. Vakıt hazırlanmaa deyni çorbacılıklarda var. En önemni ne lääzım bilsinnär küü insannarı, çıkarmaa hayvannarı yada kuşları çorbacılıktan zapedeli ofiţial sayıya koymayadan urgulȇȇrlar uzmannar.