Eni tehnologiyaları   çotukların kırkmasında  gösterdilär  Valkaneş rayonun şarap yapan kurumnarın temsilcilerinä. Seminarı kurdu hem da geçirdi  MD Millet şarap hem üzüm Ofisın uzmannarı.

MD Millet şarap hem üzüm Ofisin uzmanı Vitaliy Kosneçen haberledi, ani regionun şarap yapan kurumnarın uzmannarını taa ileri da  tanıştırdılar çotukların kırkmasının eni tehnologiyalarınnan.

«MD Millet şarap hem üzüm Ofisin temsilcileri, hep ölä    tanıştırȇrlar kimi eni momentlerinnän, angıları baalı türlü çeşitlerin   çotukların kırkmasınnan. Savaşȇrız giriştirmää bizdä dä»,- Vitaliy Kosneçen haberledi.   

Şarap yapan kurumun  baş agronomu Andrey  Koval çizgiledi, ani bu yılın küçük temparaturaları belli olȇrlar çotukların kırkmasında. 

«Biz alacez büün çotuklardan  filis, da bakacez  laboratoriyada, nicä bu baalarda kırkmaa çotukları, neçinki türlü dikmäk formaları var. Baş neet — bu belli etmää çotuun formasını»,- Andrey  Koval çizgiledi. 

Kagul rayonun şarap yapan kurumun başın yardımcısı İvan Hior nışannadı, ani lääzım esaba almaa çotuun kırkmasının formasını kuraklıkta. Da mutlaka  lääzım geçirmää bölä uurda seminarları  ȇkonomika agentlerinnän, sayȇr agrariy. 

«Tehnologiya hem bilim uuru durmȇȇrlar bir erdä. Yıl yıldan  var başka tehnologiya çeşitleri, neçinki tehnologiya operaţiyalarını lääzım bakmaa, ki olsun islää bereket, deecez — islä çıkışlar. Onun için, yıl yıldan tabiatın koşulları belli edilerlär çotukların kırkmasında»,- İvan Hior nışannadı.

Avtonomiyanının ȇkonomika agentleri çizgileerlär, ani bereketin kalitesi doorudan  çekiler çotuun kırkmasından. 

«Deecez, nicä çotuk çıkacek kıştan, nicä biz onu kırkacez, ölä da bereket alacez. Çıkacek kıştan prost halda, o zamana bereket da prost olacek, üzüm azalacek».  

«Biz savaşȇrız yapmaa, ne onnar bizä nasaat ederlär, hep ölä çotukların kırkmalarında.   Neçinki bizdä yok bölä kolaylık, analiz yapmaa deyni. Makarki, biz kendi kendimizä analiz yapȇrız, bakmadaan, ani 40% baa şindän sora kırkık».

MD Millet şarap hem üzüm Ofisin uzmannarı  ileri dooru da  plannȇȇrlar geçirmää bölä uurda seminarları. Bu günnär onnar buluşaceklar Komrat hem Bessarabka rayonnarın ekonomika agentlerinnän.