İlya Hristoforoviç Minçoglo — “Evelki oyuncular” ansamblisinin öndercisi “Ecel, Ecel” programamızın kahramanı oldu. İlya Hristoforoviç Gagauz Erindä hem Moldovada bilinän bir insan. Amaa taa çoyu onu yaradıcılık tarafindan biler. Biz sä onun insannıını göstermää çalıştık. Çünkü bu adamın önemni yaşamak prinţipleri var: ana-bobaya saygı hem hatır, eşinä sevgi hem can sıcaklıı, uşaklarına hem unukalarına yalpaklık, kuvedinä görä yadım.