Коmradın istoriya dolay muzeyin giriş odasında eni ȇkspoziţiya kuruldu, o adalı genç kızların çiizliinä.
Gelin çiizliin herbir el işi aylä istoriyasınnan, birkaç soyun zaameti hem gagauz karıların ustacılıı durȇr. Ev tertipleri bizim anaların, malilerin ellerinnän yapılı, aylä sıcaklıını sade diil, onnar ocaan aylä sıcaklıını koruyȇrlar, angıları soydan-soya geçärdilär, söleer köşenin kurucusu Komradın yaşayanı hem gagauz ustası Mariya Arnaut. El işlerini koruyarak o gagauz halkın material varlıını gençlerä etiştirer.
MARİYA ARNAUT gagauz kulturasının koruyucusu
«İki döşek, iki yorgan, yastıklar bu üklüktä».
Eni ȇkspoziţiya Komradın regional muzeyinä deyni – taa bir kolaylık muzeyin musaafirlerinä gagauzların evcimannıını, aylä paalılıklarını açıklamaa hem nesoy eri gelin çiizlii tutardı tanıtmaa. Üklüün kultura paalılıını muzeyä deyni hem neredä ȇkspoziţiya erleşecek muzey çalışannarı açıklȇȇrlar.
VALENTİNA DERMENCİ Komradın istoriya dolay muzeyi çalışanı
«Üklük muzeydä gagauz odasını tamannȇȇr».
ALÖNA GEORGİEVA muzeograf, Komradın istoriya dolay muzeyi
«Bizä çok erlerdän musaafirlär gelerlär. Onnara gagauzların yaşamak hem aylä paalılıklrı için annadarkana, pek şaşȇrlar».
Eni gelinnik çiizlii – muzey ȇkspoziţiyası sade diil – o geçmişin hem şindiliin köprüsü, angısı el işleri aşırı, angılarını gagauz karıları yaradardılar, verer kolaylıı halkın istoriyasına hem aylä, kiltura tradiţiyalarına dokunmaa.