Çiçek çölmeklerin kendi ellerinnän yapılması – diil sade yaradıcılık sırası, ama kolaylık unikal interyer predmetini yaratmaa. Ustalar kendi işindä sıkça türlü tehnikaları hem materialları kullanȇrlar. Komradın yaşayanı Mariya Arnaut evin aulunu kendi ellerinnän donaklȇȇr.
Вizim vakıtta populär oldu ȇkologiyalı tertipleri kendi evindä kullanmaa, haliz onnar ellän yapılıysalar. El ustası Mariya Arnaut dışar çiçeklerin kapları original formasında döker. Temel material – ţement hem eski peşkirlär.
«Evimiz büük, beenerim düzülü olsun evin dolayı. İnternetta gördüm, nicä var nicä yapmaa te bölä çölmecikleri, ani oturdȇrsın içinä çiçää, var nicä asasın da eşää da koyasın»,- Mariya Arnaut söledi.
«Beton peşkiri» tehnikası verer kolaylıı kaavi hem çok zaman izmetedän, türlü havaya dayanan tertipleri yapmaa. Peşkir ţement rastvorunu çeker, ona forma koyulȇr, kuruduktan sora kap fasıl relyeflı hem buruşuklu olȇr. Boyalı çölmeklär başçanın hem kapu önün käämil donaa.
«Bizim çölmeklär hazır, onnara var nicä su dökmää da çiçek içinä koymaa. Var nicä emiş koymaa, düzmää yortuyu. Kimin nicä aklı erer»,- dedi Mariya.
Herbir çiçek çölmää ustanın yaradıcılık işini belli eder. Butakım çiçekliklär gözellii hem temizlii korudȇr.