Her yıl ceviz ayın 30 – da ortodoks hristiannarı bir büük yortuyu nışannȇrlar. Bu gün hristiannar anȇrlar Ayozlu zeet çekän: Vera, Nadejda, Lübovü hem da onnarın analarını Sofiyayı, angıları allahtan atılmadılar, açän hristiannıı kolardılar.
Klisä kiyatların yazılarına görä — üç kıskardaş: Vera, Nadejda hem da Lübov İtaliya devletindä duudular…Onnarın anaları Sofiya bir dul hristian karıydı, koyup kızlarına üç hristian adlarını -terbietti onnarda sevgii İisus Hristoza. Rimdakı imperator Adrian üürenip, ani Milanda nesoya sa dul karı Sofiya hem da onun üç kızı hristiannık için açık annadȇrlar, pek büük havezi oldu onnarlan buluşmaa, lafetmää, innadırmaa dinindän atılsınnar.
Boba Vasiliy, Komrat kasabasının Ayozlu İoan Prtedteçä adına klisesinin izmetçisi: «Bizim için bu sayılȇr inan, kaavi inan bizim Kurtarıcımıza İisus Hristoza, neçinki bu Ayozlar kırılmadılar. Vera, Nadejda hem da Lübovün anaları sölärdi onnara, ani siz olacenız gök padişahlıında, neredä sizi bekleer Kurtarıcı, angısı verer bizä yaşamayı hem da üüreder herbir hristianı gelsinnär Alalha».
Hepsi üç kız, üç kıskardaş: Vera, Nadejda, Lübov kayıl oldular zeet çekmää kurtarıcı için İisus Hristoz için, da büük sevinmeliklän kendi Ayoz olümünü karşıladılar. Bizim televizion gruppamız üürendi avtonomiyanın yaşayannarından, ne bu gün onnara söleer.
«Vera, Nadejda, löübov hem da onnarın annaları Sofiya. O nicä ana terietti onnarda sevgiyı hristianna, da söledi onnara, ki onnar ortodoks yolundan gitsinnär. Onnar seslediläe analarını, da ölä da yaptılar – duva ettilär allaha bütünnä dünyanın insannarı için».
«Lääzım annamaa bir pek önemni işi. Vera, Nadejda, Lübov hem da onnarın annaları Sofiyanın atları – bu tek Ayozlar, angılartın atları çevirilerlär. Hiç bir zaman Ayozlu klisedä atlar çevirilmärdilär, onnar hep ölä nasıl var kalardılar. Ne için hepsi hristiannar için bu Ayozların atlarını çevirärdilär, neçinki onnarda özel annaması».
«Bän kutlȇȇrım hepsini, kimo taşıyer Ayozlu Vera, Nadejda, lübov hem da onnarın annaları Sofiyanın atlarını. Duva ederim, ki Alla versin usluluk dünneyada hem saalık. Onnar en önemnni».
Zeet çekän Ayozların moşaları 777 – cı yıldan beeri Franţiya devletin Ȇlzase kasabasında, Ȇшо klisesindä bulunȇrlar.