Valä — Perjey küüyündä var insannar,  angıları için  toprakta işlemäk diildi sade çalışmak, ama yaşamanın maanası.  Zor vakıtlar için hem da büük taramaklar  için onnar annatılar Polina Barbovanın materialında.

Valä — Perjey küüyü 1972 — 1974 — cu yıllarda oldu Sovet Soţialist Respublikası  Birliin zamanında papşoy industriya  tehnologiyanın geliştirmesinin merkezi, hep ölä bir er, neredä  çeketti  çoyun işi çiftçilik uurunda.  11 — ci mehanizaţiya brigadanın uzmannarın  aralarında kendi işini çeketti anılmış Moldova devletindä aaraştırıcısı, GHT ilk sozıvın öndercisi Pötr  Paşalı: «Açan çekettilär girıştırmää Vengriyadakı papşoy büütmesinin tehnologiyasını, sora sa semeçka büütmesindä dä, biz   gördük halezdän bu çalışannarın işin çıkışlarını, tok küüdä vardı, o kaplayamaardı bereketi, angısını biz toplaardık, lääzımdı onu genişletmää, da elebetki,  insan çeketti kabletmää  islä natura ödeklerini». 

Beketin üüselmesinnän barabar,  büüyardi  küüyülülerin  istemekleri. Çalışardık gündüz dä, gecä dä, savaşardık andırmaa brigadamızı, rayonumuzu, respublikamızı. 11 — ci mehanizaţiya oträdın çıkışları hem da metodikası oldular örnek gibi bütünnä Moldova devleti için, nedän sora Sovet Birliinä da, çizgiledi Pötr Paşalı. Veterannarın birisi — İvan Antonoviç, angısı çeketti çalışmaa 14 yaşından, da adadı bu işä  bütünnä kendi yaşamasını  2005 — ci yıla kadar. Onun ilk traktoru  Т-150. Parmakli Mihail Savelyeviçin yardımınnan, o geçti kursları Tarakliyada (Kauşanı dolayında), da bundan çeketti onun uzun hem  anılmış çalışmak biografiyası.

«Bän gittim işä 1956 — ci yılda ilk sıra, da bitkiyadan orada çalıştım.  Ozaman brigadirdı Evdokiya Anisimovna Papurova. Gittim armataya, geldi Saveliy Mihayloviç, da bän çekettim onunnan çalışmaa 1964 — cu yıldan,  taa bitkiyadan. Açan bän çekettim işlemää, bendä vardı taa iki kardaşım hem da iki kızkardaşım, o yıllar zordu, gittim işlemää, kazanmaa deyni»,- İvan Stoykov  Valä — Perjey küüyün yaşayanı.

Çok yılların çalışması için  İvan Antonoviç baaşışlandı iki  — çalışmak odüllerinnän ikinci hem üçüncü stependä.  Hep ölä verildi danışmak, baaşışlamaa onu ilk stependä ödüllän, ama Sovet Birliin daadılması vermedi kolaylık başarmaa proţesi. Hep ölä, o  sayılȇr kırmızı bayrak iş ordenin kavaleri da. 11 — ci mehanizaţiya oträdın istoriyası  — bu diil sade çiftçilik uurunda ii başarlar hronikası, ama o, nicä bir brigada vardı nasıl belli etsin  bütünnä devletin ilerlemesini.