Çadırda inftrastukturanın ilerlemäk programması kabledili 2026-20230 yıllara, angısına girer kasabanın enilenmesi. Beş yılın süresindä plana koyulu harcamaa investiţiyaları infrastukturaya, tretiplremeyä hem eniletmää soţial obyektların dolayannarını. Hep ölü ona görä düzüleceklär sokaklar, çok katlı evlerin önneri, uşak hem sport oyun meydannarı, koyulacek kameralar, hem eşil zonalar enilenecek. İlerleder temayı bizim korespondent.
Nicä urgulȇrlar Çadır kasabanın primariyasında, revitalizaţiya programması — bu diil sade düzmäk işleri, ama kasabanın strategiya uurunda ilerlemesi. Bu proektin neeti için hem giristirmesi için açıkladı investiţiya uurunda primariyanın uzmanı Lübov Çolak: «Kasabayı payettik beş sektora. Genel plana görä, biz belli ederiz türlü problemaları, soţial, ekonomika, tehnika, ȇkologiya uurunda hem yapȇrız analiz herbir zonaya. En yufka zona sayıler revitalizaţiya sektoru. İnsannarın aralarından, angıları yaşȇrlar bu erdä, kurȇrız komissiyayı, buluşȇrız onnarlan, açıklȇrız soruşları, problemneri, angıları var bu sektorda. Hem hep ölä geçireriz konsultaţıyaları yaşayannarlan».
Uzmanın laflarına görä, dokument hazırlandı konsultativ komissiyanın hem kasabanın aktiv yaşayannarın yardımınnan. Hepsi cümlelär, bakıldılar hem sayıya koyuldular. Nicä urguladı Lübov Çolak, programmanın bakılmasında eklenti soruş peydalanmadı.
«Bizdä pek aktiv çalıştı konsultativ komissiya , biz ekledik ona aktiv yaşayannarı. Bu yaşayannarın assoţiaţiyanın azaları. Üürenmäk kurumnarından, bolniţanın temsilcileri, professional okullarından. Vardı insannar angıları bilerlär problemaları, angıları erli lider sayılȇrlar. Vardı insannar angıları maasus da halızdän varnicä nasaat etsinnär nicä onnarı çözmää»,- Lübov Çolak urguladı.
Çadır- Lunga muniţipal oturuşun çıkışlarına görä angısı geçti fevralin 24 dä , revitalizaţıya programması kabledildi 2026 -230 yıllara.