Bücet sektorun uzmanları kabledeceklär taa üüsek ödekleri 2027-ci yılın yanvarin birindän. Bu kaldırmaklar olsunnar deyni iş ödemek fondu 2027-ci yılına zeedelenecek 5 milliard leya da kuracek 38 milliard ley. Reformaylan bakılȇr zeedeletmää oklad sayısını, bununnan azaldıp en küçük hem en üüsek kazanç paraların arasında ayırmak uurunu. Eni ölçüleri temsil etti premyer- ministru Vasiliy Tofan. Bildirim açıklandı avgustun 19-da alarak esaba üüredicilerin protest akţiyasını Kişnovda, profsoyuzlar isteerlär yapılsınnar taa ileri verilän adamaklar da sentäbrinin birindän üüredicilerä kaldırmaa ödekleri minimum 20 proţendä yaklaşıp onları ekonomikada orta ödeklerin sayısına .
Kazanç paraları verilmesi için eni kanonu hükümet koyȇr plana kaaviletmää oktäbr ayında. Kuvetlär nışannȇȇrlar, ani reforma doorudulu yok etmää ayırmakları ödeklerdä hem üüseltmää onnarı.
VASİLE TOFAN MD Premyer- ministrusu
« Biz annȇȇrız, ani insan inanmȇȇr,ani kanon işlettirlenecek hem üüselmeklär halizdän olacȇklar. Kanon lääzım hazır olsun sentäbir ayında. Ama bu olmayacek».
Reformaya görä temel oklad kalkacek da ona girecek eklemeklerin çoyu. Temel oklad kuracek 70 proţent premiyadan , ama diişmek payı maksimum 30 proţent kuracek.
VASİLE TOFAN MD Premyer- ministrusu
« Bu verecek insana finans stabil durumunu,hem azaldacek kolaylıkları ki ödek paraların uurunda kanon bozulmalar yapılsınnar, angıları için biz bileriz. Fiksir eklemesi kurer 1 300 ley hem eklemelerin taa büük payı girecek temel oklad sayısına», annattı Vasile Tofan.
İkinci ölçü o dooruluksuzlukların yok etmesi ödeklerdä. Da bu yapılacek bücet sektorunda en küçük hem en büük ödeklerin ayırılmak uurun aazaltmasının yardımınnan. Bu gösterer, ani en küçüл ödeklär büüyeceklär taa hızlı nekadar üüsek ödeklär.
VASİLE TOFAN MD Premyer- ministrusu
« Eer taa ileri en üüsek ödek 15 keredä taa üsekti en iisik ödektän biz aazaldёrız bu ayırmayı da getireriz bu uuru 10 buçuk uuruna. Bu gösterer, ani en küçük ödeklär büüyeceklär taa hızlı en üüseklerdän ne aazaldacek dooruksuzluu ödek vermesindä hem koruyacek işçileri kimin gelirleri iisik»,- haberledi premyer- ministru.
Bundan kaarä eer eklemäk faydalı çıkışları için temel okladından 4 proţenttхn taa üüsek yok nicä olsun o diişecek avtomat eklemedän real stimula.
VASİLE TOFAN MD Premyer- ministrusu
«Şindi bu eklemäk parası ödener 99 proţent işçilerä da kurёr on proţent temel okladtan. Eer doorudan sölemää bu şansora diil eklemäk faydalı çıkışları için açan onu 99 proţent insan kableder. Bu eklemäk temel oklada. Biz üüselderiz temel okadları da isteeriz çıkışlar için ödensin dooru. Onnar kim işleer çok hem taa faydalı çıkışları kazanȇr kabletsinnär kompensaţiyaları zaametlär için. Butakım eklemäk faydalı çıkışları için yok nasıl 4 proţenttän taa çok olsun temel okladından da verilecek taa aaz insana ozaman, açan kalanda olacek taa üüsek temel okladı. Faydalı çıkışları için para eklemeklär ölçüyü uydaracekalr haliz durumunnan ki en çalışkan insanlar kabledäbilsinnär lääzımnı kompensaţiyayai»,- ekledi hükümet başı.
Başka aspekt baalı birzamankı premyalarlan. Onnarın ödemesindä dooruluk hem açıklık olacek, ama birzamankı premiyaların verilmäk fondu kuracek iki proţent ödeklerin yıllık fondun sayısından bakarak ani şindiki uur 5 proţent kurȇr.
VASİLE TOFAN MD Premyer- ministrusu
«Neet onda, ani yavaş-yavaş üüseltmää temel ödekleri bütün bücet sektoru için. Kaldırarak temel okladları biz isteeriz insan bilsin, nekadar onnar kazanȇrlar da baalı olmasınnar nesoy sa para ekelemelerä»,- söledi premyer.
Barabar bununnan temel sayıların sayısı aazalacek 10-dan 2026-ci yılda altıyadan 2027-ci yılda sora da dördädän 2032-ci yılda.
VASİLE TOFAN MD Premyer- ministrusu
« Bu ne gösterer?ani temel ödek sayısı kurulȇr iki elementtän- temel sayıdan hem koefiţienttan- ikisi da belli edilerlär hem kurulȇrlar kanonnan. Koefiţient baalı üürenmäk uurunnan, iş stajınnan hem işlemenin zoorluunnan. Temel sayı o leylerdä saymak, angısı temel koefiţientına cuvap eder da bir kurȇr. Açan temel koefiţientı pek çok var peydalanȇr dooruluksuzluk benzeyan sferalarda. Temel sayıların taa aaz sayısı taa dooru iş ödemeklerini peydalandırȇr taa çok insan için. Kişilär, angıları benzeyan postlarda bulunȇrlar almayarak esaba kurumnarı diil lääzım ayırı-ayırı sayılardan ödekleri kabletsinnär»,- nışannadı hükümetin başı.
Teklif edilmiş diişilmeklerä görä yanvarin birindän uzmannar üüretim uurundan, neredä 60 bin kişi işleer kabledeceklär üüselmiş 10-15 proţendä temel okladları, ama universitetlerdä yakın 5 proţendä. Poliţiya sferasında kazanç paraların sayısı 15 proţendü taa üüsek olacek, saalıı hem soţial korumasında sferasında 17 proţendä, korumak uurunda 19%. Publik administraţiyasında ödeklär kalkaceklar yakın 15 proţendä. Yakın 15 proţendä kalkaceklar ödeklär kultura gençlik hem sport işlerindä sferalarda. Üstiţiyada 9%.başka kategoriyalardan uzmannar en küçük ödek paralarınnan kabledeceklär üüselmeyi 20%.
VASİLE TOFAN MD Premyer- ministrusu
«Diferenţiyalı büülmäk alarak esaba iş stajını, üürenmäk uurunu hem başka kriteriyaları dooru üüselmeyi kuracek. Örnek gibi, eer almaa bütündän üürenmeyi üüredici, terbiedici ikinci kategoriyada üüredici kabledecek temel okladı 15 bin 8 ley, ne gösterer büülmeyi 1800 leya yada 1ȇ3 proţendä. Üüredici terbiedici üüredici kategoriyasız kabledecek okladı 12 bin 335 ley büülmäk 1 bin 555 leya yada 14 proţendä», — söledi Vasile Tofan.
Premyer- ministru Vasile Tofan urguladı, ani bücet sektoruna ödeklär için reformanın neeti kararlamaa struktura problemnerini, yok etmää belli edilän dooruluksuzları hem da uzun vakıtlık ödeklär kalkmasını kurmaa da diil sade bu yıl.