Beşalma küüyün primȇriyası binanasında düzüntücülük işleri başladılar. Proekt “Gagauz korafları” erli iniţiativası grupasının finans destäännän gerçeklener.
Beşalma küüyü primȇriya binasında çokbeklenän düzüntücülük işleri başladılar. Bitki sıra düzüntücülük işleri burada 10 yıl geeri geçirildiydilär. Enilederlär odaları, angıları bu yılların süresindä islää ipramaa etiştirdilär, nışannadı küüy başı Valeriy Moş: «Biz «Gagauz korafları» erli iniţiativ grupasına proekt yazdık, onnar bizä primȇriyada düzmäk işleri için yardım verdilär. Bütündän proekt 260 bin ley kurȇr, onnarın 150-si proekt tarafından verildi, kalanını biz koyduk. 10 yıldan zeedä bizdä burada düzüntücülük işleri geçirilmedilär».
Enilenerlär diil sade duvarlar hem tavan, amma aydınnatmak sistemneri dä. Uzmannara burada taa raat olacek işlemää . Proekt iki etapta gerçeklenecek.
«İyül ayın sonunandan biz başaracez hepsi işleri. O bizdä ilk etap. İkinci etap-biz binayı dışandan düzmää isteeriz. Canavar ayın sonunadan başarmaa isteeriz hem getirmää onu görümnü bir uura, çünkü büünkü gündä prost durumda bulunȇr. Remont yapılȇr , ki biz taa başarılı insannara yardım edelim, ki insan geldiynen ürää açık olsun»,- dedi primar.
Beşalma primȇriyasının binasını düzmäk o diil sade duvarları hem tavannarı eniletmäk, ama erli kuvetlerin yaşayannarlan dialog hem iş baalantıları kurması için koşullarını yapmak. Zamandaş odalar, gözäl infrastruktura, enilenmiş bina diil sade administrativ eri, ama diyşilmeklär hem insannara açıklık hem destek simvolu Beşalmada olacek.