Orgeev kasabasında geçti devlet boks çempionatı. İlk kerä Moldova boksun istoriyasında geçirildi bu yarışmaların içindä kızlar hem karılar arasında türlü yaş hem çeki kategoriyalarında da düüşlär. Ödülleri Gagauziyanın kumbarasına Çadır kasabasının hem Komrat muniţipiyanın sportçuları getirdilär. İlerleder temayı süjet.
Devlet boks çempionatında pay aldılar yakın 180 sportçu bütün Moldovadan. Yarışmalar beş gün sürttülär. Gagauziyayı yarışmalarda tanıttılar Çadır-Lunga sport okulun hem Komrat uşak sport okulun boksörları. Altın ödülü regionun kumbarasına getirdi İlya Arnaut, gümüş ödülleri kazandılar Andrey Arnaut hem Kiril Çolak. Bronz tarayıcısı oldu Amir Arabadjı. Moldova boks federaţiya genel sekretari Vladimir Novikov nışannadı, ani ilk kerä istoriyada geçtilär yarışmalar karıların aralarında.
VLADİMİR NOVİKOV Moldova boks federaţiya genel sekretari
“Avgustun 29- da Orhey kasabasında başarıldı Millet boks çempionatı U-17 yaş kategoriyasında, hem hep ölä ilk sefer istoriyada geçi bu yarışmaların içindä kızlar hem karılar arasında boks düüşleri hepsi yaş kategoriyalarında. Trenerlär nasaatın hem federaţiyanın kararına görä tarayıcılardan kurulacek komanda, angısı pay alacek Evropa çempionatında, angısı geçecek oktäbridä Budva kasabasında. Yarışmaların çıkışlarına görä 12 kız kazandılar üüsek ödülleri. Onnarın aralarında güreşlär kaviydilär hem kızgındılar”.
Karılar arasında 12 karı kazandılar çempion titulunu. Ödülleri, premiyaları hem diplomaları tarayıcılara verdilär yarışmaların sonunda. Bu çempionat oldu çıkış bütün sport yılına boks federaţıyasında. Tarayıcıları bekleer sıkı hazırlanmalar Evropa çempionatına, angısı geçecek Çernogoriyada oktäbrinin 14-28- dan, kalan sportçular ilerledeceklär hazırlanmak proţesini gelecek yılın turnirlerinä.