Kıpçak küüyün Baranovskiy adına liţeyindä başarannar buluşmak avşamı geçti. Burada toplandılar üürenicilär, angıları 1971-ci yilda okulu başarmışlar taa 2025-ci yıladan.

Bu önemni avşamda sölenildilär çok aklına getirmeklär okul zamanından. Musaafirlär için hazırlanmıştı konţert programası türkülärlän ,oyunnarlar, yaradıcılık nomerlarınnan hem Konkurslarlan. Semön Afanasyeviç Dragan okulu başarmış1971-ci yılda. Ona deyni bölä buluşmaklar pek önemni hem dalgalı. 

«Isteerim taa bir keret buluşmaa dostlarlan, kiminnän üürendik, akılımıza getirmää o yılları. Ozaman taa yolumuzu ayırmadıydık, sora üürendik universitettä, kablettil diplomnarı, uzman olduk, lääzım korumaa bunnarı hem genç evlad boylarına annatmaa»,- dedi Semön Dragan.

Semön Baranovskiy adına okulun hem liţeyin başarannarın arasında var üüredicilär, direktorlar, deputatlar, doktorlar, kim üüsek uurda yardım etti cümnä elerlesin. Hep bu okulu başarmıştĩ Gagauziyanın ilk başkanı Georgiy Tabunşik. Aleksey Petroviç Topal okulun başıydı 1990-cı 1995-ci yıllarda. Ona deyni bölä toplantılar pek önemni, neçin ki var kolaylık üürenicilleri görmää hem kollegaları.

«Bana pek önemni bu buluşmalar, bän kaarşı geler kendi genç yıllarımnan, benin üürenicilerimnän — onnar artık büük, Bobalar, analar, dädar — ama bana deyni onnar hep o benim genç üürenicilerim»,-  nışannadı Aleksey Topal. 

Bu avşamda hepsi paylaştılar kendi aklına getirmelerinnän okul zamanınnan baalı. 

«Pek sevinerim kendi okul dostlarımnan buluşmaa, üüredicilärlän kim çok kuvet koydu bizim bilgilerimizä, 45 yıl artık — bu diil aaz, yaşamanĩn yarısı, yafa zeedesi».

«Uşaklar bu okula geldilär, okul için sadece ii var nicä sölemää.. bizda kendimizi hep ölä nicä okuldaydĩk, şindi da duyêrız.biz sık buluşêrız, var grupamız, savaşêrız geermemää buluşmaları».

«Biz 1986-cı yıldan başarannar, bu pek dalgalı kıpımnar, 40 yıl geçti, nicä biz okuldan çıktık, neredä bizi üürettilär ilk laflara, yazmaa, hepsi onnar bizä yaşamakta fayda getirdilär».

Baranovskiy adına liţeyin başı Sergey Uzun söledi,ani bu yıl taa çok başaran geldi buluşmaya,bu pek sevindirer bütün okul aylesini.

«Çok sevineriz, ani bu gün çok insan geldi, var nicä demää, ani bu buluşmak hepsii için önemni. вырезать Bu buluşmalar herzaman ölä duygulu, için aktarılȇr, açan getirersin akılına okuldakı vakıdı, nicä isläydi o vakıt»,- Sergey Uzun söledi.

Ayırı saygıylan toplantıda hepsi söledi direktor Semön Baranovskiy için, üüredicilär için,kim verdi cok bilgi hem hazırladı büük yaşamaya. Kim artık bu dünnedä yok, onnarı susmak minudunnan andılar.