Yukarkı Albota küüyü yanında, daayın aaçların gölgesindä düz hem susmaz bir uultu işidiler. Bu maşinalar diil — millionnarca arı çalışêr. Kazayak küüyündän kuancı Aleksandr Radiş kendi arılıının bir payını — 250 dän kuan aylesindän çiçek açan tarlalara yakın getirdi. Bizim televizion gruppamız onu sezonun en kızgın vakıdında buldu. Daada, aaçların altında, mobil bir bal çekmää eri kurulmuş. Bunda ayçiçää balı çekiler.