Üüretim hem aaraştırmak ministerlii barabar Üüretim programaların hazırlamasında hem notalamakta agentstvosunnan haberledilär yaklaşan diişilmeklär için milli bakalavra ekzamennerin geçirmesindä.
Üüredicilär, angıları geçtilär maasuz hazırlanmayı da kablettilär “Milli notalacı” statusunu, var nicä pay alsınnar ekzamen çıkışların notalamasında respublika komissiyaların işindä. Bunun için haberledi üüretim programaların hazırlamasında hem notalamakta agentstvosunun başı Liliya İvanova pres konferenţiyasının vakıdında. Bundan kaarä, 2026 üüretmek yılında plana koyulu iisiltmää sınışların sayısını kimi ekzamen testlarında. Butakım,bakalavra ekzamennerin strukturaları diişecek bölä:
1. Rumın dili hem literatura
· Real profili: 12 –dän 10 sınışadan;
· Gumanitar profili, incäzanaat hem sport: 15 –tän 12 sınışa kadar.
2. Geografiya: 15 -tän 14-dän
3. Sport hazırlanması: 15 -tän 14 sınışadan
4. Rus dili hem literatura —А bölümdä 8-dän 6 sınışa kadar
5. Rumın dili hem literatura üürenicilär için,angıları üürenerlär milli azınnıkların dillerini – I payda – 9-dan 7 sınışa kadar.
Liliya İvanova haberledi başka diişmeklär için ekzamen testlarında.İstoriya ekzamenindä bir bölümdä üürenicilerä lääzım olacek işlemää sade bir istoriya dokumentinnän, ama diil birkaçıylan nicä taa ileri vardı. Himiya sınışlarında olacek taa çok praktika örnekleri. Ekzamen davaaları fizikada olaceklar çok resimnärlän, ne yardım edecek taa ii annamaa sınışı da yardım edecek taa tez çözmää onnarı.Yabancı dilin ekzamenindä tekst olacek taa büük bir bölümdä: 90-100 lafın erinä olacek 100-110.
«Hep bu vakıtta bizä meraklı üürenicilerin çıkışları. Kabledilmiş haberlär yollanaceklar ekzamen materialların kurucuların grupalarına derin analiz için hem diişmeklär için»,- Liliya İvanova haberledi.
«Milli notalacı» statusunu zor kabletmää, çok adım lääzım bu uurda geçilsin, nışannadı Liliya İvanova. Kursların ii başarılmasından sora, üüredicilär kabledeceklär milli sertifikatı, bu uurda da esaba alınȇrlar çıkış sınışların sonuçları hem da pay alannarın aktivlii üürenmäk vakıdında. Başarmak ekzamenneri 2026 yılda geçeceklär iyun ayın 2-dän iyun ayın 19-na kadar.