Ortodoks hristiannarı her yıl avgustun 9 — da anȇrlar büük Ayozu hem ilaççiyi Panteleymonu — hristian dünnesinin bir en sayılan Ayozunu.
Ortodoks hristiannarı danışȇrlar Ayozlu Panteleymona duvalarlan saalık için, ilaçlamak için hastaları, yardımcı olsun doktorlara hem hepsinä, kim düşüner insannarın saalıkları için. Kliselerin çoyunda bu gün geçerlär paalı yortulu duvalar, insannar sa şükür ederlär duvalarlan Ayozlu Panteleymonu.
BOBA VASİLİY Komrat kasabasının Ayozlu İoan Predteçä adına klisesinin izmetçisi
«Ayozlu Panteleymon yaşadı 3- 4 asirlerdä Nikomidiya kasabasında. Kabledip doktor zanaatını, o oldu anılmış diil sade kendi ustacılıınnan, ama cana yakın bir insan gibi. Kabledip hristiannıı, o başladı kendi yaşamasını insannara, ilaçlarkana insannarı diil sade mediţina uurunda bilgilärlän, ama duvaların açık kuvedinnän dä. İnan için İisus Hristoza, Ayozlu Panteleymonu çok zeetledilär».
BOBA VASİLİY Komrat kasabasının Ayozlu İoan Predteçä adına klisesinin izmetçisi
«Auyozlu Panteleymonun anması getirer hepsinin aklılarına zeetlerin kuvedi için, cana yakın insan için hem da yardım için yakın insanına — paalılıklar için, angıları kalȇrlar önemni herbir vakıtta».