Geçmiş yıl oldu Komrat için başarlı kasaba proektlerin giriştirilmesindä. Komradın başın Sergey Anastasovun laflarına görä, baş rolü bunda oynadı harçların optimizaţiyası. Açıkaldı bunu primar «Dialog studiyada» programmasında.
Primariyada optimizaţiya geçiriler 2015 yıldan da illerleer büünkü gün dä. Arrtırılmış finanslar gittilär kasaba infrastrukturasının illerlemesinä, nışannadı Komrat muniţipiyasının başı Sergey Anastasov: «Geçän yıl iidi.Çok proekt giriştirildi büük sayılara. Lafedärkenä büdjet için, lääzım annamaa,ki kendi paralarımızdan biz yapamȇȇrız büük obyektları.Bizdä yakın 15 mln ley- paralar,angılarını biz var nicä doorudalım kasabanın infrastrukturasının illerlemesinä».
Nicä nışannadı primar, finansların dooru kullanması yardım etti arttırmaa ilerlemäk için.Optimizaţiya geçiriler muniţipiyada 10 yılın süresindä,da zorluklar bu uurda yok, nışannadı Anastasov: «2015 yıldan beeri 80 kişidän taa az işleer, ama bu acısız geçti, neçinki insan kendisi çıktı iştän.Türlü uurlardan».
Optimizaţiya geçirildi administrativ aparattan kultura uuruna kadar. Taa illeri primariya balansında bulunan kollektivlär, geçirildilär başka uurlarına. Optimizaţiya ilişti primariya aparatına da. Sergey Anastasovun laflarına görä, iş strukturası enidän bakıldıydı zararsız verilän izmetlär için.
«Hatalı olaylarında hem asker uçotun bölümündä taa ileri iki kişi işläärdi,şindi sa –bir .Vergi bölümündä vardı 5, şindi 4, da onnar ii çalışȇrlar.Bölä optimizaţiya ilerleyecek ötää dooru da»,- Komrat muniţipiyasının başı Sergey Anastasov nışannadı.
Sergey Anastasovun laflarına görä, muniţipiyanın strukturalarında işleer 600 kişi. Primarın notalamasına görä, sade iisildilmiş harclardan aylık kazanç paralara 10 yılın içindä kurdu yakın 100 mln ley. Bu paralar dooruldular kasabanın infrastrukturasının illerlemesinä.